Jyl basynan beri Jetisý oblysynyń prokýrorlary kadastrlyq quny 95 mıllıon teńgeden asatyn 30 jer telimin memlekettik jer qoryna qaıtardy, dep jazady Egemen.kz Jetisý oblysy prokýratýrasyna silteme jasap.
«Aqsý aýdanyndaǵy jalpy aýdany 7 myń gektar ıgerilmegen jáne uzaq ýaqyt boıy maqsaty boıynsha paıdalanylmaǵan atalǵan ýchaskeler «Kúreńbel» JShS-ne tıesili. Sonymen qatar Qaratal jáne Kóksý ózenderi arnalarynyń karerleriniń sý qorǵaý aımaǵynda jer qoınaýyn paıdalanýshylarǵa zańsyz berilgen 75 gektar jer anyqtaldy. Jer qoınaýyn paıdalanýshylar qum-qıyrshyq tas qospasyn zańsyz óndirýmen aınalysqan, al sý qorǵaý aımaǵynda taý-ken óndirýge zańmen tikeleı tyıym salynǵan.
Prokýratýranyń qadaǵalaý aktisi boıynsha sot qaýlysymen kináli tulǵalar ákimshilik jaýapkershilikke tartyldy. Jer qoınaýyn paıdalanýshylarǵa ruqsattardyń qoldanylýynyń sharttyq mindettemelerin odan ári buza otyryp toqtatyldy», delingen aqparatta.
Jetisý oblysynyń prokýratýrasy sý qorynyń jerin memleketke qaıtarý sharasyn qolǵa aldy.