Bıyl Semeı qalasyndaǵy Radıotehnıka jáne baılanys kolledji bazasynda joǵary IT kolledji ashylady. Ǵımarat jobasy«Smart Campus» ıaǵnı, «Aqyldy úı» júıesine baǵdarlanǵan, dep habarlaıdy Egemen.kz Abaı oblystyq bilim basqarmasynyń baspasóz qyzmetine silteme jasap.
Smart Campus stýdentterge aqparattyq tehnologııalar ortasyna saı jaǵdaı jasaýǵa baǵyttalyp otyr. Bul jańa júıe qurylǵylardyń jumys isteý prınsıpin jáne olarǵa qyzmet kórsetýdi zerdeleýge múmkindik beredi. Aldaǵy ýaqytta jumysqa ornalasýda kolledj stýdentteri qala (Smart City), oblys (Smart Region), el (Smart Country) aýmaǵynda «Smart Campus»-tyń barlyq fýnksııalaryn iske qosý josparda bar.
Kolledjdi jańǵyrtý - IT tehnologııalar, jasandy ıntellekt, mıkroelektronıka jáne telekommýnıkasııa salasyndaǵy eń ozyq zamanaýı bilim men daǵdylardy negizge ala otyryp, jańa formasııadaǵy mamandardy daıarlaý maqsatyn kózdeıdi. Ozyq tehnologııalar qarastyrylǵan zamanaýı joba kásibı bilim berýdiń álemdik úrdisterin eskeredi.
«Smart campus» júıesi boıynsha «Jasyl tehnologııalardy» engizý, elektr energııasynyń jańartylatyn kózderi IT kolledjdiń joǵary bóliginde ornalastyrylady. Bul elektr stansııasy «Jańartylatyn energııa kózderi operatory» jańa mamandyq ashýǵa, sol salany ıgeretin jas býyn ókilderin daıarlaýǵa múmkindik beredi.
Atalǵan júıeni merdigerlik kompanııa ornatady, al paıdalaný barysynda osy elektr stansııasyna kolledj oqytýshylary men stýdentteri ózderi qyzmet kórsetedi. О́ndirilgen elektr energııasynyń artyq mólsheri qoldanystaǵy tarıf boıynsha tólemmen qalalyq elektr jelisine beriledi.
Qazirgi ýaqytta ǵımarattaǵy terezelerdi jóndeý, elektr qýaty jáne jylý júıelerin jańartý jumystary júrgizilip jatyr. Sonymen qatar, josparǵa sáıkes ǵımarattyń shatyry men qasbetin jóndeý, oqý ǵımaratynyń ishki jóndeý jumystary, «aqyldy jylytý men jaryqtandyrýdy» engizý, sondaı-aq keńistikti jobalaý qarastyrylǵan.