Shymkenttegi «Ońtústik» óńirlik qolbasshylyǵynyń mehanıkalandyrylǵan brıgadasynda alty tildi meńgergen sarbaz Abzal Jańabaı qyzmet etedi.
Abzaldyń aıtýynsha, ártúrli halyqtyń tili men mádenıetin bilý sol arqyly dástúrin tereń túsinýge qyzyǵýshylyq mektepte oqyp júrgen kezinde bastalǵan. Sondyqtan ol mektepti bitirgen soń armandaǵan kásibiniń mamany bolsam degen maqsatpen Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń aýdarma isi boıynsha mamandyǵyna oqýǵa túsedi. Keıin joǵary oqý ornyn támamdap, qolyna dıplom alǵan soń ásker qataryna alynady.
Jas sarbaz áskerı boryshyn ótep júrip te shet tilderin úırenýdi jalǵastyrý ústinde. О́ziniń aıtýynsha, adamǵa eń basty keregi – nıet pen tabandylyq. Sarbaz bos ýaqytynyń barlyǵyn kitaphanada ótkizedi, sol jerde shet tilindegi kórkem ádebıet pen túrli taqyryptaǵy shyǵarmalardy oqıdy.
«О́zimniń ana tilimnen basqa, orys, aǵylshyn, qytaı, qyrǵyz, ózbek tilderinde erkin sóıleı alamyn. «Eki tildi biletin – eki adamǵa turarlyq kisi» dep beker aıtylmasa kerek-ti. Sebebi ózge ult ókilimen óz tilinde sóılesseń tez til tabysyp ketesiń, bir-birińdi túsiný de ońaıǵa túsedi. О́ziń qazaq bola tura basqa ultpen de solardyń tilinde erkin sóılesý adamǵa rahat bir sezim syılaıdy, ózgelerdiń tilin túsinip, oıyńdy solardyń tilinde jetkize alý da bir óner ekenin sonda uǵynasyń», deıdi Abzal Jańabaı.
Jas sarbaz – áskerı-eseptik mamandyqty meńgerý isinde de óziniń eńbekqorlyǵymen daralanǵan azamat. Ol tájirıbe men bilimdi árdaıym qatar alyp júrgendi qalaıdy. Áskerı salanyń mamany retinde ózin únemi kásibı turǵyda damytýmen aınalysady. Onyń bilimdi, tártipti azamatqa tán júris-turysy, sarbazdyq adal qasıeti qashan da kópke úlgi. Sondaı-aq ol áriptesterine qalaı tildi erkin meńgerý kerektigi jóninde aqyl-keńes berýden eshqashan jalyqqan emes.
ShYMKENT