Jetisýda shaǵyn eldi mekenderden qatynaıtyn 2 myńǵa jýyq oqýshyǵa arnaıy avtobýstar qyzmet kórsetedi. Osy maqsatta óńirde 67 kólik uıymdastyrylǵan. Degenmen deni eskirgen. Sondyqtan zaman talabyna saı birtindep jańartý jumystary júrip jatyr. Kúni keshe oblys ortalyǵynan shalǵaı ornalasqan aýyldarǵa jergilikti bıýdjet esebinen 5 sý jańa avtobýs berildi.
Jetisýda 336 jalpy bilim beretin orta mektep bar, onda 129 myńnan asa oqýshy oqıdy. Búginde balalardyń jan-jaqty damýyna, sapaly bilim alýyna jaǵdaı jasaý jáne olardyń qaýipsizdigin qamtamasyz etý – basty nazarda. Osy aıtylǵan múddege sáıkes óńirimizdegi 5 aýdanǵa jańa avtobýstar tabystaldy. Saltanatty is-sharada avtobýs kiltin tabystaǵan oblystyq bilim basqarmasynyń basshysy Marat Súleımenov mektep qyzmetkerlerin quttyqtady.
– О́tken jyly shalǵaı eldi mekenderdegi balalardy tasymaldaý úshin respýblıkalyq bıýdjetten 53,4 mln teńgege 7 avtobýs lızıngke alynyp, sonyń ekeýi byltyr berilse, qalǵan beseýin búgin tabystap otyrmyz. Sol sııaqty 2023 jyly jergilikti bıýdjetten 223 mln teńge bólinip, taǵy 5 avtobýs berilgen edi. Bul sharalar óz kezeginde oqýshylardyń jan-jaqty damýy men sapaly bilim alýyna jaǵdaı jasap, olardyń qaýipsizdigin qamtamasyz etýge oń yqpal etedi, – dedi M.Súleımenov.
24 oryndy 5 avtobýs Aqsý, Alakól, Eskeldi, Qaratal, Kóksý aýdandarynyń mektepterine berildi. Endi arnaıy kólikter Aqsý aýdany Iý.Gagarın atyndaǵy orta mektebine Qyzyljar aýylynan, Alakól aýdany Terekti orta mektebine Taldybulaq, Úshbulaq aýyldarynan, Eskeldi aýdany Balpyq bı atyndaǵy orta mektepke Teńlik, Terekti, Bókterli aýyldarynan, Qaratal aýdany Q.Baıseıitov atyndaǵy orta mektepke Aıdar aýylynan, Kóksý aýdany №12 orta mektepke Aınabulaq stansasynan, Kemertoǵan aýyly razezdinen oqýshylardy tasymaldaý úshin qoldanylady.
Avtobýstardyń bári ıntellektýaldy avtomatty qaýipsizdikti tekserý júıesimen, eki qaýipsizdik beldigi bar oryndyqtarmen, salonnyń artyndaǵy avarııalyq shyǵý esigimen, sanıtarııalyq-epıdemıologııalyq qondyrǵy sekildi qajettiliktermen jabdyqtalǵan.
– Aqsý aýdany boıynsha 38 jalpy bilim beretin mektep bar. Onyń 27-si – orta, 7-i – ortalaý, 4-i – bastaýysh mektep. Bizdiń aýdanda 5 mektepten oqýshylar tasymaldanady. Bul kúni 4 mektebimizde jańa avtobýs bar, tek Sýyqsaı aýylyndaǵy Gagarın atyndaǵy orta mektebindegi kóligimiz eskileý bolatyn. Bilim basqarmasy bizdi qoldap, mine, jańasyn aldyq. Qýanyshymyzda shek joq. Oblys ákimdigine, oblystyq bilim basqarmasyna Aqsý aýdany azamattarynyń, halyqtyń atynan alǵys aıtamyz. Osy kólikti balalardyń ıgiligine barynsha paıdalanamyz, – deıdi Aqsý aýdandyq bilim bóliminiń basshysy Aıdynbek Jeksembaev.
Qazir 32 bastaýysh mektepti ońtaılandyrý jumysy qolǵa alynyp, oblys ákimimen bekitilgen arnaıy jol kartasy boıynsha bastaýysh mektepterde oqıtyn oqýshylardy negizgi jáne orta mektepterge tasymaldaý jumystary uıymdastyryldy. Sol úshin jergilikti bıýdjetten qosymsha taǵy da 10 avtobýs alýǵa qarajat bólingen. Endi ár aýdan ózderi kólik satyp alady. Osylaısha, bıyl tasymaldaý máselesi tolyǵymen sheshimin tappaq.
Jetisý oblysy