31 qańtar kúni tańerteń Almaty-Tashkent-Termez tas jolynyń jabyq bóliginde iri jol apaty boldy. Avtokólikterdiń jınalýyna baılanysty jol qyzmetkerleri ilesip júretin kólikter kolonnasyn Taraz-Shymkent baǵyty boıynsha ótkizýge sheshim qabyldady, biraq aýa raıynyń qolaısyzdyǵy iri apatqa sebep boldy, dep habarlaıdy Egemen.kz.
«QazAvtoJoldyń» habarlaýynsha, saǵat 10:45 shamasynda avtokolonnany alyp júrý kezinde Almaty-Tashkent tas jolynyń 567-shi shaqyrymynda 15-20-ǵa jýyq kóliktiń qatysýymen iri jol-kólik oqıǵasy boldy (naqty sany anyqtalyp jatyr).
Sál buryn bul kólikterdiń ótýine múmkindik berý úshin tas jol bóligindegi qozǵalys shekteýleri ýaqytsha alynyp tastaldy.
Oqıǵa saldarynan 19 adam, sondaı-aq bir bala ártúrli dene jaraqattarymen B.Momyshuly aýylyndaǵy aýdandyq aýrýhanaǵa jetkizildi.
«Tótenshe jaǵdaılar qyzmeti qysylyp qalǵan adamdardy shyǵarý úshin qutqarý jumystaryn júrgizip jatyr. Zardap shekkender joq. Oqıǵa ornynda jedel medısınalyq járdem jáne jol qyzmeti jumys istep jatyr. Nurlykent aýylyndaǵy «Mádenıet úıi» jylytý pýnktine 39 adam jetkizildi, onyń segizi bala», dep habarlady Jambyl oblysy Tótenshe jaǵdaılar departamenti.