Bul týraly Janar Baısemiz óziniń ınstagram paraqshasynda jazdy, dep habarlaıdy Egemen.kz.
«Buıyrtsa sheteldegi qazaq balalary Qazaqstanǵa keledi! Qazaq tilin oqıdy, qazaq mádenıetimen tanysady, qazaqtyń tarıhyn biledi. Qazirgi ýaqytta ál-Farabı atyndaǵy Qazaq Ulttyq Ýnıversıteti resmı hat daıyndap jatyr. Ýnıversıtettiń atynan Gúlshara Asylbaıqyzy osy iske janyn salyp, kirisip jatyr. Hat daıyn bolǵan soń shet eldegi Qazaqstan elshilikterine joldaımyz. @sheteldegi_qazaq_balalary jobasynyń osylaı jalǵasyp jatqanyna bek rızamyn!», dep jazdy Janar Baısemiz.
Onyń habarlaýynsha sheteldikter asyrap alǵan Qazaqstan balalarynyń elde qınalmaı júrýine barlyq jaǵdaı jasalady. Olardyń jol shyǵyny, vızasy tólenedi. Úsh mezgil tamaq, jataqhana tegin beriledi jáne stıpendııa alady. Uzaq ýaqytqa kele almaıtyndary úsh aı, ýaqyty barlary toǵyz aı oqıdy.
«Elge kelip, ana tilin úırenýge Talǵat, Sardar, Ánel, Sultan qulshynyp otyr. Sabına da kelýi múmkin. Ánel toǵyz aıǵa kelgisi kelip jatyr. Talǵat, búgin qashan kele alamyz dep surap jatyr», delingen atalǵan ınstagram paraqshada.