Eńbek jáne halyqty áleýmettik qorǵaý mınıstrligi ishki eńbek naryǵyn qorǵaý maqsatynda jyl saıyn jumys berýshilerdiń qajettilikteri boıynsha Qazaqstanǵa sheteldik jumys kúshin tartýǵa kvota kólemin bekitip, bóledi. Bıyl bólingen jalpy kvota sany elimizdegi jumys kúshiniń 0,23%-yn qurady, dálirek aıtqanda, 22 myń birlik kóleminde belgilendi.
2024 jyly sheteldik jumys kúshin (ShJK) jumysqa tartý boıynsha 4 sanatta kvota bólindi. Atap aıtsaq, birinshi sanattaǵy basshylar jáne olardyń orynbasarlary qyzmeti úshin – 906 ruqsat, ekinshi sanattaǵy qurylymdyq bólimshelerdiń basshylary qyzmetine 5 054 ruqsat berildi. Ruqsattardyń negizgi bóligin úshinshi sanattaǵy mamandar men tórtinshi sanattaǵy bilikti jumysshylar qurap otyr, buǵan tıisinshe 10 786 jáne 2 888 birlik belgilendi. Sondaı-aq maýsymdyq jumystarǵa 2 366 adamǵa deıin jumys kúshin tartýǵa bolady.
Buǵan qosa 2024 jyly úı sharýashylyqtarynda jumys isteý úshin eńbek ımmıgranttaryn tartýǵa arnalǵan kvota respýblıkadaǵy jumys kúshiniń sanyna qatysty 3,1%, ıaǵnı 271,3 myń birlik kóleminde belgilengen.
Osy oraıda 2023 jyly jergilikti atqarýshy organdar jumys berýshilerge ShJK tartý úshin 14,5 myń ruqsat bergenin jáne uzartqanyn aıta ketken jón. Bul qaıta bólingen kvotanyń 78,5%-yn (18 myń) qurady. Sonymen qatar byltyr úı sharýashylyqtarynda jumys isteý úshin eńbek ımmıgranttaryn tartýǵa 305,8 myń birlik kvota belgilendi. Al jergilikti atqarýshy organdar 295 261 ruqsat berdi.
Jalpy, qazirgi ýaqytta Qazaqstan aýmaǵynda jergilikti atqarýshy organdardyń ruqsaty boıynsha 13 183 shetel azamaty jumys isteıdi.