Ataýly áleýmettik kómekti taǵaıyndaý júıesi ózgeredi. Kómek endi shyn muqtaj otbasylarǵa ǵana beriledi. Eńbek jáne halyqty áleýmettik qorǵaý mınıstrligi bul baǵytta jemqorlyq táýekelderi bolmaýy úshin qarjylaı kómek taǵaıyndaý prosesi sıfrlandyrylatynyn málimdedi, dep jazady Egemen.kz.
Eńbek jáne halyqty áleýmettik qorǵaý mınıstri Svetlana Jaqypovanyń aıýynsha, 2019 jyly ataýly áleýmettik kómek alatyndar sany 2,2 mln adam bolsa byltyr bul kórsetkish 600 myń adamdy quraǵan.
Ol búgin vedomstvonyń keńeıtilgen alqa otyrysynda otbasynyń sıfrlyq kartasyn paıdalanyp, memlekettik jáne memlekettik emes uıymdardyń júıelerimen ıntegrasııalaý arqyly ataýly áleýmettik kómekti tolyǵymen transformasııalaý josparlanyp otyrǵanyn atap ótti.
«Bul qarajattyń maqsatty paıdalanylýyn qamtamasyz etý maqsatynda áleýmettik kómek alýshylardy, bıýdjettiń shyǵys bóligin aıqyndaýǵa múmkindik beredi. Kómekke muqtaj otbasylarǵa keshendi qoldaý kórsetýdiń naqty reglamenti ázirlenedi. Ataýly áleýmettik kómek taǵaıyndaý transformasııasynyń barlyq prosesinde adam faktoryn boldyrmaý úshin sıfrlandyrý negizgi komponent bolady», dedi Svetlana Jaqypova.
Byltyr osy maqsatqa memlekettik bıýdjetten 57,4 mlrd teńge jumsalǵan edi.