Ulttyq statıstıka bıýrosy Qazaqstandaǵy mal sharýashylyǵyn damytýdyń negizgi kórsetkishterin jarııa etti, dep jazady Egemen.kz.
Otyz jyldyń ishinde elimizde iri qara, qoı-eshki basy aıtarlyqtaı kemip, kerisinshe, jylqy men túıe maly edáýir kóbeıgen. Mysaly 1990 jyly iri qaranyń sany 9 mıllıon 757 myńnan asqan. Qoı-eshkiniń sany 33 mıllıon 660 myńǵa jetip jyǵylǵan. Arada 32 jyl ótkende (2022 jylǵy esep boıynsha) oısylqara tuqymy 8 mıllıon 538 myńnan ázer asyp tur. Usaq bas qoı men eshki tipti 21 mıllıon 786 myń ǵana. 1990 jylǵy esepte jylqy 1 mıllıon 626 myń bolsa, 2022 jylǵy sanaqta 3 mıllıon 856 myńǵa jetken. Túıe ósirýde de ilgeri basý bar. 1990 jyldardyń basynda 143 myń túıe sanaqqa ilinse, qazirgi tańda 259 myńǵa kóbeıgen.