Úlbi ózeniniń lastanýyna baılanysty tergeý isi aıaqtaldy. Tekserý nátıjesinde «Qazsınk» JShS Rıdder taý-ken baıytý keshenine 50 mln teńge aıyppul salyndy, dep jazady Egemen.kz.
Shyǵys Qazaqstan oblysyndaǵy Úlbi ózeninen alynǵan sý synamasynda marganes kórsetkishi 4,5 ese artyq bolǵany anyqtaldy.
«Aımaqta taý-ken óndirisin júrgizetin kompanııa tazartý jumystaryn tıimdi júrgizbeý sebebinen Úlbi ózenine kóptegen óndiristik qaldyq-aǵyndar jiberilgen. Atalǵan fakt negizinde «Qazsınk» JShS-ne jospardan tys tekserý júrgizildi. Dáleldi, qorytyndylar negizinde «Qazsınk» JShS-ne 50 mln teńge kóleminde ákimshilik aıyppul salyndy, sondaı-aq buzýshylyqtardy joıý týraly nusqama berildi», delingen Ekologııa jáne tabıǵı resýrstar mınıstrliginiń Ekologııalyq retteý jáne baqylaý komıtetiniń habarlamasynda.