Qandaı startap qarjy alady?

Bıyl AI, Game dev, Block­chain, Defence Tech, Space tech, Hardware jáne Smart city baǵy­tyndaǵy jobalarǵa basymdyq berildi. Irikteýden ótken star­tap ₸20 mıllıonǵa deıin qar­jyǵa qol jetkizedi.

«Buǵan deıin Seed Money-ge qatysqan startaptardyń 67 paıy­zynyń tabysy artyp, qar­­qyn­dy damydy. Mysaly, baǵdar­lama túlekteri arasynda «UvU», «beyne.ai», «Parqour» jáne taǵy basqa kompanııalar bar. Qarjylandyrý «Astana Hub»-tyń jeke qarajaty ese­bi­nen Revenue Share modeli ar­qy­ly júzege asyp, ıaǵnı 5 jyl ishin­de barlyq qarajat jum­sal­ǵan­nan keıin 1 paıyz tólem jasa­lýǵa tıis», – dedi «Astana Hub» bas dırektory Maǵjan Mádıev.

Qarjylandyrýmen qatar Seed Money qatysýshylaryna kovorkıng keńistiginde ju­mys orny jáne «Astana Hub» ın­fraqurylymyna qoljetim­dilik (basqa óńirlerden kel­gen startaptary úshin), sarap­shy­lyq keńester men sala maman­darynyń keri baılanysy, B2B/B2G kezdesýlerine at salysý, ınvestorlarmen jáne bıznes-demeýshimen netvorkıng usynylady.

Baǵdarlamaǵa qatysý úshin star­tap mynadaı damý kezeńi­niń birine saı bolýy shart: MVP – mınımaldy, biraq bi­rinshi tutynýshylardy qana­ǵat­­tandyrýǵa jetkilikti fýnk­sııa­lary bar; PMF – naryq­­t­yń naq­ty qajettiligin qanaǵattan­dyratyn jáne tutynýshylar úshin qundylyǵy bar; SCALE – jańa naryqqa shyǵýǵa tuty­nýshylar segmentterin nemese basqa áreketterdi keńeıtý ar­qyly satý kólemin keńeıtý kezeńi.

«Baǵdarlamaǵa qatysýǵa jo­ba jetekshisin qosqanda, keminde úsh negizgi qatysýshydan tura­tyn komanda bolýy kerek. Jo­ba jetekshisi maksımaldy tıim­dilikti jáne úderisterdi baqy­laýdy qamtamasyz etý úshin basqa jobamen aınalys­paýǵa tıis. Sondaı-aq qar­jy­lan­­dyrýǵa ótinim berý jáne seriktestermen, klıenttermen, ınvestorlarmen jumys isteýge zańdy negizdi qamtamasyz etý qajet bolǵandyqtan, úmitkerdiń zańdy tulǵasy bolýy kerek. Bul talaptyń barlyǵy joba­nyń turaqty jáne tabysty bolýyn qamtamasyz etýge, son­daı-aq onyń uzaqmerzimdi da­mýyna qolaıly jaǵdaı ja­saý­ǵa baǵyttalǵan», – dedi «Astana Hub» qarjylandyrý baǵdar­lamalary ofısiniń dırektory Anarbek О́teǵulov.

2021 jyly iske qosylǵan Seed Money baǵdarlamasy aıasynda damýdyń ártúrli kezeńin­degi 45 joba 24 mıl­lıon teńgege deıin qarjy­lan­dy­ryldy. Qa­zirgi tańda Seed Money 3.0 nátı­jesi bo­ıynsha iriktelgen 11 star­tap «Astana Hub»-tyń qar­jy­landyrý kelisimi aıasynda jobalaryn júzege asyrýǵa kiristi.

Aıtpaqshy, Seed Money baǵdarlamasyna qosymsha keńes­­ti platforma nemese 2222 qys­qa nómiri boıynsha «Astana Hub» qoldaý qyzmeti arqyly alýǵa bolady.

Aqsuńqar HABASQYZY,

L.N.Gýmılev atyndaǵy Eýrazııa ulttyq ýnıversıtetiniń stýdenti