Jetisý oblysynda kásiporynnyń burynǵy dırektory memlekettik sýbsıdııalardy jymqyrǵany úshin sottaldy, dep habarlaıdy Egemen.kz.
«Alakóljylý» ShJQ MKK burynǵy dırektory 100 mln teńgeden astam bıýdjet qarajatyn jymqyrǵan. Ol sot úkimimen 7 jyl 6 aıǵa bas bostandyǵynan aıyryldy.
«Qatty kómirdi satyp alýǵa bólingen qarajatty jymqyrý kommýnaldyq kásiporyn basshysymen affılıırlengen kompanııa arqyly jasalǵan. Bul fakt arnaıy prokýrorlarmen anyqtalyp, tergep-tekserildi», dep habarlaıdy Jetisý oblysynyń prokýratýrasy.
Úkim zańdy kúshine engen joq.