Aqtaýdaǵy №13 gımnazııanyń 11-synyp oqýshysy Dılıara Sapar Shanhaıdaǵy Nıý-Iork ýnıversıtetiniń grantyn utyp aldy. Oqý aqysy – 208 000 dollar.
«Times Higher Education University Rankings» zertteýinshe Nıý-Iork ýnıversıteti álemniń úzdik joǵary oqý oryndary reıtınginde 30-orynda tur. Ýnıversıtet 19 mamandyq boıynsha bilim beredi. Tapqyrlyǵymen daralanǵan Dılıara bıznes jáne ekonomıka salasyn tańdap otyr. Bul ýnıversıtetke bıyl 50 myńǵa jýyq úmitker qujat tapsyrǵan. Al bakalavr boıynsha tek 1 400 stýdent oqýǵa qabyldanady. Olardyń jartysy Qytaı elinen bolsa, qalǵan bóligi AQSh-tan. Al 70-ke jýyǵy ózge elderden kelip oqıdy.
Úzdik attestatqa úmitker qyzymyz sheteldik oqý ordalarynyń bilim grantyna úmitker retinde óz múmkindigin synap kórgisi kelgen. Onyń kókeıinde 10-synypqa deıin shetelge túsý týraly oı múldem bolmaǵan. Biraq jas talaptardy shekara syrtyna oqýǵa jiberetin kompanııa AQSh, Gonkong, Italııaǵa oqýǵa ketip jatqan qanshama qazaq balasy týraly aıtqanda, oıy túbegeıli ózgergen. Sol sátten bastap shetelge baryp bilim alamyn degen sheshim qabyldanyp, maqsat qoıylǵan. Sóıtip, kompanııanyń daıyndyq barysy tym qymbat bolǵannan keıin, óz betinshe daıyndalýdy jón kórgen.
– Orta mektep, qarapaıym otbasy álemdik oqý ornyna túsýge kedergi emes. Maqsatty aıqyndap, óz ómirimizge ózimiz jaýapty ekenimizdi neǵurlym erte túsinsek, soǵurlym ózimizge jaqsy. Bizdiń bolashaǵymyz – tek bizdiń tańdaýymyz. Nege ekenin bilmeımin, biraq tek amerıkalyq ýnıversıtetke túskim keldi. Basqa elderdi tipti qarastyrǵym da kelmedi. Maqsatqa qaraı júretin daıyn joldyń bolmaýynan, oqýǵa túsý barysy biraz qıynǵa tústi. Sonda da moıymaı, barlyǵyn ózim zerttep, múlde bilmeıtin úderiske basymdy suqtym. Álemdik baqtalastyq joǵary bolǵandyqtan ózimniń oqýǵa týsý paıyzym az ekendigin ishteı bilip júrdim. Sonda da úmitim sónbedi. Aqpannyń 16-sy túngi eki jarymda jaýaby poshtama kelgen eken. Men tańerteń 7.30-da kórdim. Mektepke daıyndalyp jatqanda noýtbýgymdy ashyp portalǵa kirip qalyp edim, «Songratulations» degen quttyqtaý sózin kórdim. Sol kezdegi qýanyshymdy sózben aıtyp jetkize almaımyn, – deıdi talapty qyzymyz.
Dılıara kópbalaly otbasydan shyqqan. Qarapaıym orta mektepte oqıdy. Onyń ata-anasy árqashan bilimge jetelep, qabiletterin ashyp otyrǵan. О́ziniń aıtýynsha, qyzdarynyń armandaryna eshqashan qarsy shyqqan emes. Tipti shetelge oqý ornyna túsemin degeninde de barynsha qoldaǵan.
– Dılıaraǵa 8-synyptan beri jetekshi bolyp kelemin. Mekteptiń qoǵamdyq ómirine belsene aralasatyn ónerli, tabıǵatynan daryndy oqýshy. О́zine bergen tapsyrmany buljytpaı óz ýaqytynda oryndap, ótkizip otyrady. Synypty qoǵamdyq jumysqa qatysý jaǵynan únemi aldyǵa tartyp, barlyǵyn uıymdastyrady. Azamattyq kózqarasy qalyptasqan, óńir jumystaryna belsene aralasady. Dılıara – barlyq pánnen de birdeı qabiletti, jan-jaqty oqýshy. Bolashaqtan kóp úmit kúttiretin jastarymyzdyń biregeıi,– deıdi synyp jetekshisi Gúlnaz Orynǵalıqyzy.
Belgili bir baǵyt-baǵdar bolmasa bul – qıyn is. Qanshama aýyl balasy shetelde oqýdy bylaı qoıǵanda, ózimizdiń ýnıversıtetterge oqýǵa túsýdi «tar jol, taıǵaq keshý» kóredi. Al Dılıarany appaq armany alǵa jeteleı túsken. Ol amerıkalyq ýnıversıtetterge túsken qazaqtardyń suhbattaryn kórip, ıýtýb kanaldarǵa jazylyp, olarmen áleýmettik jeli arqyly tanysqan. Qalaı daıyndalǵandary týraly júz shaqty beınejazba kórip, aqyl-keńes alǵan. Eń aldymen emtıhandarǵa daıyndalyp, qoǵamdyq ómirde belsendi bolyp, ózin tulǵa retinde jaqsarta bastaǵan.
Bir qyzyǵy, ol tek osy oqý ornyna emes, Túrkııanyń úsh bedeldi ýnıversıtetterine de qujat tapsyrǵan. Aldymyzdaǵy naýryz aıynda Nazarbaev ýnıversıtetine de tapsyratyn oıy bar. Tipti «Shetelge oqýǵa túsý» salasyndaǵy kompanııalarǵa jumysqa turyp, jas talaptarǵa jol kórsetpekshi.