Depýtattar dop oınady

«Barlyq deńgeıdegi máslı­hat­tardyń depýtattary men qyz­met­kerleri, partııa fılıal­darynyń ókil­derinen quralǵan 10 komanda bas júlde úshin básekege tústi. Tar­tysty oıynnyń kýási boldyq. Árbir oıyn­da básekelestik jo­ǵary boldy. Birinshiden, bul qa­tysýshylar úshin jumystan tys ýaqytta paıdaly bas­qosý ári depýtattar arasynda dos­tyq qarym-qatynas ornatý bolsa, ekin­shiden, salamatty ómir saltyn qalyp­tastyrýǵa baǵyttalǵan. Budan bólek, kóktemde voleıboldan týrnır uıymdastyrýdy josparlap otyrmyz», – deıdi oblystyq partııa fılıalynyń tóraǵasy Qýat Baıǵojaev.

Jarys qorytyndysy boıynsha bas júldeni Qarasaı aýdandyq máslıhat depýtattary jeńip alsa, ekinshi oryndy Eńbekshiqazaq, al júldeli úshinshi oryndy Kegen aýdandyq máslıhat depýtattarynan quralǵan koman­dalar ıelendi.

Budan bólek, 5 atalym bo­ıyn­sha úzdik oıynshylar mara­pattaldy. Jalpy oıynnyń qorytyndysy bo­ıynsha Qarasaı aýdandyq más­lı­hat depýtaty Bekjan Súnbekov qar­sylas­tar qaqpasyna 13 gol soǵyp, týrnırdiń «Úzdik surmergeni» atandy. Al 62 jas­taǵy Eńbekshiqazaq aýdandyq máslı­hat tóraǵasy Beket Ahmetov «Úzdik oıynshy» atalymy boıynsha marapattaldy.

«Ádemi, áserli, qyzyqty oıyn boldy. Biz óte myqty qarsylas­tar­men baq synastyq. Oıyn ko­man­dalyq rýhty kóterdi. Chem­pıo­nat salamatty ómir saltyn ustanyp, sportpen shuǵyldanýǵa shaqyrady. Depýtattardyń ózara ynty­maqtastyǵyna yqpal etedi», – deıdi Beket Ahmetov.

Sonymen qatar «Úzdik qaq­pashy» ata­lymy Raıymbek aýdandyq máslı­haty apparatynyń qyzmetkeri Rashıd Zor­dınovqa, «Úzdik qorǵaýshy» – Qarasaı aýdan­­­­dyq máslıhat depýtaty Aby­laı Zýaı­daǵa jáne «Úzdik shabýylshy» – Kegen aýdan­dyq máslıhaty ap­paratynyń qyz­met­­keri Ernur Sa­byrbekovtiń enshisine tıdi.

Almaty oblysy