Kommýnıkasııanyń mańyzy artqan saıyn naryqqa kásibı bilikti PR mamandar qajettigi baıqalyp otyr. Ýnıversıtette akademııalyq bilim men praktıkalyq daǵdylarǵa mashyqtandyrý qatar júrgende sapaly mamandar daıarlanady. Osyndaı maqsatpen uıymdastyrylǵan halyqaralyq III Qysqy PR mektebinde sıfrlyq PR jáne BAQ, jasandy ıntellekt tehnologııalary, klımat ózgerisi sııaqty ózekti máseleler talqylandy. Mektep aıasyndaǵy «Halyqaralyq jýrnalıstıka jáne PR aptalyǵynda» halyqaralyq, otandyq medıa, qoǵammen baılanys sarapshylarynyń sheberlik saǵattary ótti.
Qysqy mekteptiń ashylý saltanatynda Ál-Farabı atyndaǵy Qazaq ulttyq ýnıversıtetiniń Basqarma múshesi – Akademııalyq máseleler jónindegi prorektor L.Erkinbaeva ýnıversıtettiń Basqarma tóraǵasy – rektory J.Túımebevtyń atynan mektep jumysyna tabys tiledi.
«Ál-Farabı atyndaǵy QazUÝ 10 jyl boıy BUU «Akademııalyq yqpal» (UNAI) turaqty damý boıynsha Jahandyq hab baǵdarlamasyn basqaryp, ýnıversıtettiń «úshinshi urpaq» mańyzdy mıssııasyn tabysty júzege asyryp keledi. Ýnıversıtet halyqaralyq QS reıtınginde 230-orynda. QS Asia ýnıversıtetteri reıtıngi boıynsha 29-shy satyda. Qysqy mektep ýnıversıtettiń turaqty damý salasyndaǵy strategııasyna úles qosady», dedi prorektor.
Jýrnalıstıka fakýltetiniń dekany Temirǵalı Kópbaev mektep barysynda qamtylatyn taqyryptardyń mańyzyna toqtalyp, taǵylymdy, paıdaly shara spıkerleriniń kásibı mamandar ekendigin atap ótti.
Almaty qalasyndaǵy IýNESKO Klasterlik bıýrosynyń kommýnıkasııa jáne aqparat bóliminiń mamany Sergeı Karpov: «IýNESKO-nyń jýrnalıstıka jáne kommýnıkasııa kafedrasynyń sońǵy ótkizgen kezdesýinde biz yntymaqtastyqtyń mańyzdylyǵyn sezindik. Kafedranyń kótergen problemalary Orta Azııa elderinde úlken qyzyǵýshylyq týǵyzdy. Qyrǵyzstannyń jýrnalıstik bilim beretin jetekshi tórt joǵary oqý orny jýrnalısterdi daıarlaý sapasyn arttyrý úshin IýNESKO-nyń jýrnalıstıka jáne kommýnıkasııa kafedrasy ázirlegen kýrstardyń negizinde Kommýnıkasııany damytý Halyqaralyq baǵdarlamasynyń resýrstaryn qyrǵyz tilinde belsendi qoldana bastady. Bul qýantarlyq jaıt. Osyndaı sharalar bolmasa bilim sapasyn arttyrýǵa arnalǵan turaqty platformalardy damytý kúrdeli bolar edi», dedi.
Is-sharaǵa qatysqan jýrnalıst Nurlan Nurǵazın ulttyq PR-dy damytý týraly ózekti máseleni qozǵasa, «Qazaqstan turaqtylyq qory» AQ Syrtqy kommýnıkasııalar qyzmetiniń bas menedjeri Aıbar Oljaı qarjy salasynda jańa tehnologııany meńgergen, aýdıtorııamen jumys isteı alatyn qazaq tildi mamandardyń qajettiligin basa aıtty.
Túrkitildes jýrnalıster qorynyń prezıdenti Nazııa Joıamergen salalyq jýrnalıstıkany damytý, jasandy ıntellektiń qoldanylýy, jýrnalıstiń áleýmettik jaýapkershiligi máselelerine toqtaldy.
Túrkııanyń Eýrazııalyq mádenıet jáne sport yntymaqtastyǵy qaýymdastyǵynyń prezıdenti Ahmet Túzún Ál-Farabı atyndaǵy QazUÝ jýrnalıstıka fakýltetiniń stýdentterine Túrkııanyń iri buqaralyq aqparat quraldarynda taǵylymdamadan ótip, kásibı bilimi men tájirıbesin arttyrýǵa qoldaý kórsetetindigin bildirdi.
Qysqy mektep jýrnalıstıka fakýltetinde 5 naýryzǵa deıin gıbrıdtik formatta jalǵasady.
Nazgúl Shyńǵysova,
Ál-Farabı atyndaǵy QazUÝ,
IýNESKO-nyń jýrnalıstıka jáne kommýnıkasııa kafedrasynyń meńgerýshisi