Aqtaý garnızony áskerı qyzmetshileriniń balalary áskerı ushaqpen «Baldáýren» respýblıkalyq oqý-saýyqtyrý ortalyǵyna attandy.
Balalar Qonaev qalasyndaǵy oqý-saýyqtyrý ortalyǵyna baryp ornalasyp, ortalyqpen tanysqan soń Qarýly Kúshterdiń Ulttyq áskerı-patrıottyq ortalyǵynyń basshysy, Qazaqstannyń eńbek sińirgen qaıratkeri Arman Ásenovpen, «Jas sarbaz» respýblıkalyq áskerı-patrıottyq qozǵalysynyń tóraǵasy maıor Meıirbek Meńdiǵalıevpen kezdesti.
Erlik sabaǵynda balalarǵa «Jas sarbaz» balalar-jasóspirimder qozǵalysy, «Aıbyn» jastardyń áskerı-patrıottyq sleti, onyń dástúrleri jáne oǵan qatysý múmkindikteri týraly keńinen aıtyldy. Uıymdastyrýshylar balalardyń merekesin tanymdyq, qyzyqty etip ótkizýge tyrysty. Olardyń oqýynda úzilis bolmaıdy.
Oqýshylarǵa mekteptegi pánder boıynsha sabaqtar uıymdastyrylady. Qorǵanys jáne Bilim mınıstrlikteriniń jastarǵa áskerı-patrıottyq tárbıe berýdi jetildirý jónindegi birlesken jospary osylaısha júzege asýda. Bıyl «Baldáýren» oqý-saýyqtyrý ortalyǵy men onyń qalalardaǵy fılıaldaryna áskerı qyzmetkerlerdiń balalaryna arnalǵan myńnan astam kvota bólindi.
Mańǵystaý oblysy