Senattyń Áleýmettik-mádenı damý jáne ǵylym komıteti depýtattary tarapynan «Qazaqstannyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań keńeıtilgen otyrysta talqylandy, dep habarlaıdy Egemen.kz Senattyń baspasóz qyzmetine silteme jasap.
Qujat halyqtyń sapaly medısınalyq kómekke qol jetkizýdi jaqsartýǵa, pasıent quqyqtaryn qorǵaýdy kúsheıtýge, sondaı-aq medısına qyzmetkeriniń bedelin arttyrýǵa kómektesedi. Zań medısına qyzmetkeriniń kásibı jaýapkershiligin saqtandyrý júıesin engizýge, medısına jáne farmasevtıka qyzmetkerlerine áleýmettik kepildik belgileýge, medısına mamandyǵynyń mártebesin jáne tartymdylyǵyn arttyrýǵa baǵyttalǵan.
Senatorlardyń aıtýynsha, zańnyń qabyldanýy medısına qyzmetkerine kásibı qaýipterdi azaıtýǵa, medısınalyq qyzmet alý kezinde azamattar quqyqtaryn qorǵaý, sondaı-aq medısınalyq kómek kórsetý sapasyn arttyrýǵa yqpal etetin bolady.
Senattyń atalǵan komıtet músheleri talqylaý qorytyndysy boıynsha zańdy Palata otyrysynda qaraýǵa jiberý týraly sheshim qabyldady.