Reseıdegi prezıdent saılaýy: Daýys berýdiń sońǵy kúni

28 aımaq boıynsha qa­shyqtan elektrondy da­ýys berýge tirkelgen elekto­rattyń 91 paıyzy qatysty. Bul shamamen 4,35 mıllıon adam. El astanasy turǵyn­darynan qashyqtan daýys berýge tirkelý talap etilmese de, jergilikti ýaqytpen saǵat 9.50-de 3,3 mıllıonǵa jýyq máskeýlik óz daýysyn onlaın berdi.

Reseıdiń qıyr shyǵysyn­daǵy óńirlerde Máskeý ýaqy­tymen saǵat 9.00-de saılaý­shylardyń qatysýy 55 paıyz­dan asqan. Olar­dyń qata­rynda Evreı avto­no­mııa­lyq oblysy 85,5 paıyz­dyq kórsetkishpen kósh bas­tap keledi, 84,18 paıyz­dyq nátıjemen Chýkot avto­nomııalyq okrýgi ekinshi oryn­da tur. Jalpy, daýys berýge kelgen saılaýshylardyń úlesi boıynsha el óńirleri ara­synda birinshi oryndy Týva Respýblıkasy bermeı keledi. Jergilikti ýaqyt boıyn­sha 12.00-ge deıin (Más­keý ýaqytymen 8.00) týva­lyq­tardyń belsendiligi 89,99 paıyzdy kórsetti.

Reseı SIM resmı ókili Marııa Zaharova Telegram-arnasynda álemniń 111 elin­degi 125 myńnan astam re­seılik prezıdent saılaýynda óz kandıdatyn jaqtap, tań­daýyn jasaǵan. Onyń aı­týynsha, 230 saılaý ýchaske­sin­de barlyǵy 125 428 adam daýys bergen. «Ýaqyt aıyrmashylyǵyna baılanysty birqatar saılaý ýchaskesi búgin ǵana ashylady», dep jazdy M.Zaharova. Soǵan qaraǵanda sheteldegi saılaý qorytyndylary áli de óse túspek.

Qazaqstan aýmaǵynda júr­gen reseılikter de Asta­na, Almaty, Oral, О́skemen qalalarynda ashylǵan saılaý ýchaskelerine eliniń tizginin aldaǵy alty jylǵa senip tap­­syratyn saıasatkerdi tań­­daý úshin kelip jatyr. Bul qalalardyń ishinde tek Al­ma­tydaǵy saılaý orynda­rynda uzyn-sonar kezek qalyptasqan.

Jalpy, Reseı shekara syrtyndaǵy shet memleketterden, sonyń ishinde dostas emes elderdiń aýmaǵynan da 300-ge jýyq saılaý ýchaskesin ashýdy josparlaǵan bola­tyn. Biraq bul Syrtqy ister mınıstrligine ońaıǵa soq­pady. О́ıtkeni Reseı men Ýkraına soǵysyna baılanys­ty kóptegen el Reseımen dıplomatııalyq baılanysyn úzip, ókildikteriniń jumysyn toqtatqan. Sonyń saldarynan Máskeýdiń jekelegen elderde saılaý ýchaskelerin ornalastyrý múmkindikteri azaıyp ketken edi.

Reseıdiń OSK málimetine súıensek, bıylǵy 1 qańtar­daǵy aqparat boıynsha shetelde shamamen 1,9 mln saı­laýshy tirkelgen. Degen­men kandıdattardyń qansha­lyqty daýys jınaǵany ázir­ge belgisiz. Barlyq saılaý ýchaskesi jergilikti ýaqyt boıynsha saǵat 20.00-de jumysyn toqtatýǵa tıis. Al daýys berýdiń alǵashqy qorytyndylary Máskeý ýaqytymen túngi 21.00-den keıin belgili bola bastaıdy.

Kórshi eldegi saılaýǵa qatysty ózge de aqparattarǵa toqtala ketsek, Reseıdiń Ortalyq saılaý komıssııasy 106 memleketten ótinish bildirgen 706 halyqaralyq baqylaýshyny resmı akkredıttegen. Sondaı-aq Sochıde ótken Dúnıejúzilik jastar festıvaliniń qorytyndysy boıynsha, 51 memleketten kelgen 224 sarapshy el­degi saılaý barysynyń uıym­dastyrylýymen ta­ny­sýǵa qyzyǵýshylyq bildi­ripti. Al Qoǵamdyq palata­nyń sha­qyr­týymen 58 memle­kettiń 185 sarapshysy Reseıge kelgen.

Reseı Federasııasynyń pre­zıdentin saılaý 15-17 naý­ryz aralyǵyna belgilengen. Prezıdent 2030 jyldyń mamyryna deıin, ıaǵnı alty jyl­­ǵa saılanady. Úmitker bi­rin­shi týrdan ótýi úshin saı­laý­­shylardyń jartysynan kóbi­niń daýsyna ıe bolý kerek.

Saılaý ýchaskeleri úsh kún – jumadan bastap, jergilikti ýaqyt boıynsha 8.00-den 20.00-ge deıin ashyq bolady. Eldegi 89 aımaqtyń 29-yn­da, sonyń ishinde Máskeý qa­lasynda da qashyqtan elektrondy túrde daýys berýge bolady. Elektrondyq daýys berý 17 naýryz kúngi saǵat 20.00-ge deıin josparlanǵan.

Bul jolǵy eldegi basty saıası naýqanǵa tórt kandıdat qatysyp jatyr. Atap aıtsaq, Memlekettik Dýmanyń vıse-spıkeri ári «Novye lıýdı» fraksııasy basshysynyń birinshi orynbasary Vladıs­lav Davankov, qazirgi prezıdent Vladımır Pýtın (saılaýǵa ózin-ózi usynǵan), LDPR fraksııasynyń basshysy Leonıd Slýskıı jáne Reseı Kommýnıstik partııasy fraksııasynyń depýtaty Nıkolaı Harıtonov.