Qoljazbalaryn arhıvke ótkizdi

Is-sharada Qadyr Núsipaqynuly­nyń shyǵar­mashylyǵyn nasıhattaý, mura­laryn Ulttyq arhıv qoryna jınaqtaý jáne qundylyǵyn tanytý jaıy sóz boldy. Ulttyq arhıvtiń dırektory Saǵıla Esimseıitqyzy qalamger jóninde pikir bildirip, jeke qor ıesiniń №291 sertıfıkatyn tabystady.

Arhıvtiń jeke tek qoryna aqyn­nyń kóp jylǵy eńbekteri, shy­ǵarmashylyq áleýetin kórsetetin 5 tom­dyq «Máńgilik mura» qoljaz­ba­lar jınaǵy, gazet-jýrnaldarǵa jarııalanǵan maqalalary, merekelik medaldarynyń kýálikteri, Qazaqstan Respýblıkasy Til týraly Zańy men Úkimet baǵdarlamasynyń oryndalý barysynda qor ıesiniń saraptama jasaǵan qujattary, «Avtorlyq án» atalymy boıynsha berilgen jeńimpaz dıplomy, «Qazaqstannyń eńbek sińirgen qaıratkeri» qurmetti ataǵy berilgendigi týraly jarlyǵynyń úzindisi sekildi qundy qujattar, sonymen qatar «Jan tuńǵıyǵyndaǵy jaýharlar», «Qazaq deıtin halqym bar», «Aıaýlym», «Qys», «Senim» atty óleń jınaqtary tabystaldy.

Jıynǵa akademık Sherýbaı Qurmanbaıuly, professor, L.N.Gý­mılev atyndaǵy EUÝ-dyń ka­fedra meńgerýshisi Murat­bek Arpa­bekov, matematıka ǵylym­darynyń doktory, professor Ábil­májin Ada­mov, sýretshi, óner zert­teýshi Jeńis ­Kákenuly, aqyn, Halyqaralyq «Alash» ádebı syılyǵynyń laýreaty Nurlan Qalqa jáne arhıv qyzmet­ker­leri qatysty.

Qadyr Núsipaqynulynyń kópshi­likke belgili «Týǵan aýyl», «Arman bop qalqydyń», «Kókegim» án­deri respýblıkalyq radıolarda turaqty shyrqalsa, «Taǵ­dyr kózindegi tamshy», «Jan tuńǵıyǵyndaǵy jaý­harlar», «Ǵashyqtyq ǵumyr», «Táýelsizdik», «Sartap saǵynyshym saǵymdanǵan» óleń jınaqtary oqyr­mannyń ystyq yqylasyna bólengen. Sonymen qatar qalamgerdiń «Súzge sulý», «Júginis túni jetkende» dramasy jergilikti ­teatr sahnasynda qoıylyp keledi.