Qysqy mezgiliniń basynan beri jalpy qar kólemi 162 470 tekshe metrdi quraǵan 75 qar kóshkinin túsirý jumystary júrgizilgen. Shyǵys Qazaqstan oblysyndaǵy jergilikti atqarýshy organdar sý tasqynynyń aldyn alý sharalaryn ótkizý boıynsha jumysty kúsheıtti, dep habarlaıdy Egemen.kz.
ShQO TJD baspasóz qyzmeti málim etkendeı, uzyndyǵy 365,8 km 427 aryq, uzyndyǵy 133,4 km 71 kanal, avtomobıl joldarynda 3552 jáne temirjol joldarynda 90 sý ótkizý qurylystary, sondaı-aq 447 kópir tazartylyp, 365 myń tekshe metrden astam qar shyǵarylǵan. Oblys ózenderinde 201 796 sharshy metr aýmaqta barlyǵy 15 muzdy jarý jumystary júrgizildi.
Jergilikti atqarýshy organdar jalpy syıymdylyǵy 17 myń adamnan asatyn 153 ýaqytsha ornalastyrý pýnktterin belgiledi.
Sý tasqynyna qarsy jumystarǵa Semeı qalasynan kómekke kelgen QR TJM № 68303 áskerı bóliminiń áskerı qyzmetshileri jumyldyryldy. Olar Altaı aýdanynda aldyn alý sharalary boıynsha jumys júrgizip jatyr.