Premer-mınıstrdiń orynbasary Serik Jumanǵarınniń tóraǵalyǵymen Úkimette Mańǵystaý oblysyn damytýdyń 2021-2025 jyldarǵa arnalǵan keshendi josparyn ózektendirý máseleleri talqylandy.
Qujattyń edáýir bóligin óńir halqynyń 16,8%-y jumyspen qamtylyp otyrǵan ónerkásip salasy quraıdy, bul – jalpy óńirlik ónimniń 52,8%-y. Jospardyń úsh jylynyń qorytyndysy boıynsha Mańǵystaý oblysynyń JО́О́ 1,3 esege, ónerkásip kólemi 1,1 esege ósti, 14,7 myń oqýshy orny ashylyp, normatıvtik jaǵdaıdaǵy joldardyń úlesi 94%-dan 97%-ǵa deıin ulǵaıdy.
Josparǵa Mańǵystaý jastaryna úzdik otandyq jáne sheteldik joǵary oqý oryndarynda, mektep oqýshylaryna basqa óńirlerdegi mektep-lıseılerde grant boıynsha bilim alýǵa múmkindik beretin «Qoǵamdyq damý» jańa bólimi qosyldy. 2025 jylǵa deıin jańa mektepter, kolledjder, balalar lagerleri, jańa sport mekemeleri jáne taǵy basqalar salynyp, jańartylady.
2024-2025 jyldarǵa arnalǵan ózekti keshendi josparda óńirdiń áleýmettik damýyna basa nazar aýdarylady. Bul – mektep jasyna deıingi balalardy balabaqshalarmen 100% qamtý, 21 jańa mektep salý, shaǵyn qalalar men aýyldarda 103 mektep, Beıneý qalasynda jataqhanasy bar 600 oryndyq kolledjdi jańǵyrtý, Aqtaý men Jańaózende oqýshylar saraılaryn, tórt balalar lagerin jáne jastar resýrstyq ortalyqtarynyń úsh ǵımaratyn salý, aýtıst balalarǵa arnalǵan ońaltý ortalyǵyn, Aqtaýdaǵy «Yessenov Technopark»-ti ashý, Rahat aýylyndaǵy aýla klýbtarynyń jelisin keńeıtý, buqaralyq mádenı, sporttyq is-sharalardy uıymdastyrý jáne ulttyq sport túrlerin nasıhattaý úshin qaıyrymdylyq qorlaryn, ÚEU qurý. Adaı jylqylarynyń popýlıasııasynyń genetıkalyq qurylymyn anyqtaýǵa erekshe nazar aýdarylyp jatyr.
Oqýshylar úshin «Jarqyn bolashaq» baǵdarlamasy boıynsha basqa óńirlerdiń mektep-lıseılerinde oqý úshin granttar bólinedi. 2024-2025 jj. túlekteri úshin elimizdiń jetekshi joǵary oqý oryndarynda bilim alýǵa múmkindik beretin 2 myń nysanaly grant bólinbek.
Aıta keteıik, búgingi tańda «Bolashaq» baǵdarlamasy aıasynda aýyl jastaryna, onyń ishinde Mańǵystaý oblysynyń jastaryna, magıstr dárejesin alýǵa jeke sanat qarastyrylǵan. Joǵary bilim jáne ǵylym mınıstrligi «Bolashaq» baǵdarlamasymen bakalavrıat deńgeıinde kadrlar daıarlaý jáne batys óńirleriniń oqytýshylaryn taǵylymdamadan ótkizý máselesin pysyqtalyp jatyr.
Jalpy keńeste usynylǵan Mańǵystaý oblysynyń 2025 jylǵa deıingi keshendi damý josparyn ózektendirý algorıtmi maquldandy. Serik Jumanǵarın ony Mańǵystaý óńiri jastarynyń sapaly bilim alýy men tolyqqandy tulǵa retinde damýyn qamtamasyz etý úshin qajetti is-sharalarmen, sondaı-aq Soltústik-Ońtústik kólik dálizin damytý sharalarymen tolyqtyrýdy tapsyrdy.