Egistikterden erigen qar sýynyń mol kólemi Uzynkól sý qoımasyna aǵyp, atalǵan sý qoıma tolyp ketken. Osyǵan baılanysty Batys Qazaqstan oblysynyń Terekti aýdanyndaǵy Uzynkól kentin sý basý qaýpi týyndady, dep habarlaıdy Egemen.kz.
TJM baspasóz qyzmeti málim etkendeı, Terekti aýdany Podstepnoe aýylynda, sondaı-aq Oral qalasynda halyqty aldyn ala evakýasııalaý júrgizilip, barlyǵy 750 adam, onyń ishinde 230 bala evakýasııalandy.
Sý tasqynyna qarsy is-sharalarǵa 112 adam jáne TJM, JAO, PD-nen 39 birlik túrli tehnıka jumyldyrylǵan. Sý qoımasy bógetin nyǵaıtý boıynsha jumystar jalǵasyp jatyr.
Habarlamada: «Uzynkól sý qoımasy buzylǵan jaǵdaıda Uzynkól, Iýbıleınoe, Kemer, Jańa О́mir, Barbastaý aýyldaryn sý basý qaýpi bar», delingen.