Keıbir aýdandarda qarǵyn sý ekpindep kelip, aýlalarǵa jaıylyp, kúre joldarǵa shyǵyp ketip, jergilikti bılik ókilderi men turǵyndar ábigerge túsip jatyr. О́ńirdegi qardyń 70 paıyzy áli erimegenin eskersek, daıyndyqty kúsheıte túsý kerek sııaqty. Sol úshin de oblys basshylyǵy sý tasqyny qaýpi bar jerlerdi áýeden baqylap qaıtty.
О́skemen – Rıdder qalalary men Altaı – Glýbokoe – Shemonaıha – Úlken Naryn, Katonqaraǵaı aýdandary baǵyty boıynsha ushyp ótken monıtorıng toby ózenderde muzdyń ashylýyn baıqaǵan. Sý deńgeıleri arnasynan asyp jatqan joq. Bógeýler de qalypty jaǵdaıda desedi. Endigi qaýip – taýdyń qary. Ol erigende ózender tasyp, arnasynan shyǵýy ábden múmkin. Aldyn alý úshin óńirde 55 myń dana qap, 6 myń tonnadan asa ınertti materıal, 406 tonna janarmaı daıyndaldy. Tehnıka men motopompalar ázirlikke keltirildi, evakýasııalyq pýnktter qarastyryldy. Onda ýaqytsha turý úshin jan-jaqty jaǵdaı jasalǵan. Eldi mekenderden 368 myńnan asa tekshe metr qar shyǵaryldy. 448 shaqyrym aryq pen 447 kópirdiń kózderi tazartyldy.
Sáýir týa aýa temperatýrasy jylyp, taýly óńirlerdegi qardyń kóbesi sógile bastady. О́zen-kóldiń muzy jaryldy. Sý tasqyny qaýip tóndirgen jaǵdaıda, oblysta 2 270 adam, 732 birlik tehnıka men 234 motopompa, 61 birlik júzý quraldary toptastyrylady. Alda-jalda turǵyn úılerdi sý bassa, halyqty ornalastyrý úshin syıymdylyǵy 17 600 adamdy quraıtyn 153 ýaqytsha ornalastyrý pýnkti daıyndaldy.
Qazirgi tańda Qalbataý – Maıqapshaǵaı tasjolynyń 1 090-1 092 shaqyrymynda sý shyǵyp, joldy shaıyp ketkeni bolmasa, basqa óńirlerde sý basyp jatqan joq. Biraq joldyń ústine shyqqan sý Tarbaǵataı aýdanynyń turǵyndary úshin óte úlken kedergi bolǵan. Oblys ortalyǵyna qatynaý múmkin bolmaı qalǵan. «Qazavtojol» AQ Shyǵys Qazaqstan oblysy fılıalyna qarasty joldyń jıegin qar sýy shaıyp ketken. Bir emes, eki sý ótkizý qubyrlary bolǵanymen, kólkigen sý des bermegen. Tasqyn toqtaǵan soń, jaýapty mekeme joldy qalpyna keltirý úshin 5 myń tonna tas tókken, 1 800 tonna shaǵyl tas jetkizgen. Sóıtip, joldy ashty. Bul jóndelip jatqan jol bolǵandyqtan, aldaǵy ýaqytta 13 sý ótpe qubyrlary ornatylady. Ol jumystar jyl sońynda aıaqtalýy múmkin.
– Tilsiz jaý respýblıkalyq mańyzy bar kúre joldyń boıyndaǵy ýchaskelerdi búldirip ketken. 1 sáýir saǵat 15.30-dan bastap, Omby – Maıqapshaǵaı baǵytyndaǵy sý shaıǵan tasjoldy ashý jumystary júrgizildi. Ázirshe bir baǵyttyq jol ashylyp, kólikter kezegimen ótkiziledi, – dedi «Qazavtojol» AQ ShQO fılıaly dırektorynyń orynbasary Damır Saparǵalıev.
Aıtyp ótkendeı, Qalbataý – Maıqapshaǵaı arasyndaǵy tasjoldy sý shaıyp ketkendikten, jolaýshylar jolda qalǵan. Onyń ishinde Abaı oblysy aýmaǵynda qalyp qalǵan tarbaǵataılyq jas ana dárigerler kómegine júgingen. ShQO Densaýlyq saqtaý basqarmasynyń baspasóz qyzmeti málimdegendeı, 2002 jylǵy Tarbaǵataı aýdanynyń turǵyny О́skemen qalasynan taksımen jolǵa shyqqan. Alaıda sý deńgeıi kóterilip, jol jabylǵandyqtan, Abaı oblysynyń Kókpekti aýdanyna qarasty Tassaı aýlynda qalyp qoıǵan. Jolaı ózin jaısyz sezingen ol dárigerlerge júgingen. Dárigerler dereý jas ana men náresteni tikushaqpen О́skemenge jetkizip, oblystyq aýrýhananyń gınekologııa bólimine jatqyzǵan. Al náreste Ana men bala ortalyǵynda dárigerler baqylaýyna alyndy.
Aıtyp ótkendeı, qaýip beti qaıtqansha, jolǵa shyqpas buryn, TJD-dan kelip túsip jatqan habarlamalarǵa nazar aýdarǵan durys. Qaýip tasqyn sýdan ǵana emes, taýly aımaqtarda qar kóshkini túsip jatqanyn da esten shyǵarmaǵan jón.
Shyǵys Qazaqstan oblysy