Elimizdiń ózge óńirlerinde burynyraq qoldanysqa berilgen amerıkalyq stıldegi mektep avtobýstary Mańǵystaýǵa da jetti. Olar Mańǵystaý aýdanyndaǵy Bereket Jumalıev atyndaǵy, Mekerııa Atymov atyndaǵy mektepterge, Shetpedegi № 7 mektep-lıseıge jáne Saı-О́tes aýlynyń oqý oryndaryna berildi.
Búginge deıin qoǵamdyq kólikter arqyly mektepke qatynap kelgen Shetpe aýylynda 4 289 oqýshynyń 559-y, Saı-О́tes aýlynda oqý oryndaryndaǵy 479 oqýshynyń 175-i endi óz kólikterimen baratyn boldy.
Zaman talabyna saı jaraqtandyrylǵan jaryq ári jaıly, janarmaı baginiń órtke qarsy fýnksııasymen, júrgizýshige arnalǵan aınalany sholý júıesimen jáne qaýipsizdik beldikterimen qamtylǵan kólikter oqýshylardyń qaýipsiz ári yńǵaıly tasymalyn júzege asyrady degen senim bar. Polısııa qyzmetkerleri qarqyndy jol qozǵalysy jaǵdaıynda sary tústi avtobýstardyń kózge birden túsýiniń mańyzyn aıtady.
«Prezıdent Qasym-Jomart Toqaev «orta bilim berý sapasy – tabysty ulttyń taǵy bir sharty. Ár oqýshynyń jan-jaqty damýy úshin qolaıly jaǵdaılar jasalýy kerek» degen edi. Osyǵan baılanysty aýdannyń bilim salasynda úlken jumys júrgizilip jatyr. Mekteptiń materıaldyq-tehnıkalyq bazasy «Qazaqstan halqyna» qoldaý qorynyń qarajatymen tolyǵymen jańartyldy. Biz oqýshylardy tasymaldaýǵa jańa avtobýstardy tabystadyq. Igi ister jalǵasatyn bolady», dedi Mańǵystaý aýdanynyń ákimi Ǵalymjan Nııazov.
Aýdan ákiminiń aıtýynsha, bıyl segiz jáne bes balabaqsha jóndeledi. Mańǵystaý aýdany boıynsha 22 mektep myńnan astam parta, STEM zerthanalar, robottehnıka, ınformatıka kabınetterine arnalǵan jabdyqtar satyp alynyp, 19 mektepte tehnologııa kabınetteri jabdyqtalady.
Mańǵystaý oblysy