Temirtaý qalasynan 15 mınýttyq jerde ornalasqan Gagarınskoe kentinde 21 jastaǵy áıel eki kishkentaı qyzyn tunshyqtyryp óltirgen. Búgin iske qatysty jańa derek paıda boldy, dep habarlaıdy Egemen.kz.
Instagram jelisinde taraǵan jazbaǵa sáıkes, týǵan anasy eki qyzyn - eki jasar Mıa men tórt jasar Karınany tunshyqtyryp óltirgen. Anyqtalǵandaı, jas ana qyzdaryna uzaq ýaqyt boıy tamaq bermegen. Aqyry belgisiz ýaqyt boıy ash otyrǵan balalar anysynyń qolynan ajal qushty. Ira esimdi 21 jastaǵy áıeldiń alty aılyq úshinshi qyzy da bar, alaıda ol oǵan qol tıgizbegen.
«Oqıǵa 4 sáýir kúni bolǵan. Ira dál sol kúni túski as kezinde balalardy tunshyqtyryp óltirdi. Olar anasynan tamaq surap, mazasyn alǵan-mys. Qyzdardyń máıitin kelinshekpen birge turatyn er adam taýyp aldy, Ira bolsa ony keshke deıin kútip, qyzdar belgisiz sebeptermen ózderi kóz jumǵanyn aıtty. Sol kezde er adam polısııa qyzmetkerlerin shaqyrýdy jón kórdi. Qyzdardyń anasy polıseılerdi de jańylystyrǵysy kelip, balalar belgisiz zattan ýlanǵanyn alǵa tartty. Úı ishin qarap shyqqan polısııa qyzmetkerleri as úıde ystyq tamaq túgili, bir úzim nan da bolmaǵanyn kórgen», delingen vıdeoda.
Qyzdar uzaq ýaqyt boıy tamaq ishpegenin eshkim bilmegen. Kórshileri bul otbasyǵa kartop ta usynǵan kezder boldy, alaıda jaǵdaı tym kúrdeli ekenin ańǵarmaǵan.
Eske salaıyq, 4 sáýirde Qaraǵandy oblysynyń Buqar jyraý aýdanynda 21 jastaǵy áıel 2 jáne 4 jastaǵy qyzdaryn tunshyqtyryp óltirgen.