Tanymal ánshi Dımash Qudaıbergen Aqtóbe oblysyna baryp, sý tasqynynan zardap shekken azamattarǵa qoldaý kórsetti. Ol TJM 20982 áskerı bóliminiń áskerı qyzmetshilerimen de kezdesti, dep jazady Egemen.kz.
«Búgin Aqtóbege kelip, sýdan zardap shekken turǵyndarymen kezdestim. Olarǵa qıyndyqty eńserýde myqty bolýǵa shaqyryp, kúshimiz birlikte ekenin aıttym. Sonymen qatar qalada ashylǵan gýmanıtarlyq kómekti úılestirý ortalyǵyna baryp, volonter jastarmen kezdesip alǵysymdy bildirdim», dep jazdy ánshi.
Dımash Qudaıbergen áskerı qyzmetkerlerge de alǵysyn bildirdi.
«Baýyrlar, shyn júrekten raqmet aıtamyn. Alla Taǵalanyń elimizge jiberip turǵan osy synaǵy - qıyn kúnderde bárimiz bir jaǵadan bas, bir jeńnen qol shyǵaryp, birligimizdi kórsete bilip jatyrmyz. Eńbek etip júre bereıik. Bolashaǵymyz jarqyn bolsyn, eń qıyn, eń aýyr kúnderimiz osymen ketsin, budan keıin tek qana jaqsy kúnder kelsin basymyzǵa», dedi Dımash.