Torǵaı ózenindegi sý deńgeıiniń kóterilýine baılanysty Yrǵyz aýdany Mamyr aýyldyq okrýginiń turǵyndaryn Qorǵanys mınıstrligine qarasty T. Bıgeldınov atyndaǵy Áýe kúshteri ınstıtýtynyń ushqyshtary evakýasııalady. Qazir Yrǵyz aýdany ortalyǵyna Mamyr aýylynan 33 adam jetkizildi, onń 24-i bala, dep habarlaıdy Egemen.kz Aqtóbe oblystyq TJD baspasóz qyzmetine silteme jasaı otyryp.
Sý tasqynyna baılanysty evakýasııalanǵan turǵyndar úshin Yrǵyz eldi mekenindegi Y.Altynsarın atyndaǵy orta mektep, №1 jáne №2 mektep ǵımarattary jáne aýdandaǵy sport kesheninde oryndar daıyndaldy.
Mamyr – Yrǵyz aýdanynyń eń shetki aýyldarynyń biri, munda 200-ge jýyq adam turady. Torǵaı ózeni búgin tústen keıin arnasynan asyp, aýylǵa kire bastaǵan.
Aqtóbe oblysy