Áleýmettik jeli arqyly tanysqan qyzdy alyp qashpaq bolǵan jigit 4 jylǵa sottaldy. Úkim Shymkent qalasynyń qylmystyq ister jónindegi aýdanaralyq sotynda qabyldandy, dep jazady Egemen.kz.
Aıyptalýshy Jańaózen qalasynan Shymkentke qyzdy alyp qashý úshin arnaıy barǵan.
Jábirlenýshi bergen túsinikteme, sondaı-aq oqıǵa ornyn tekserý hattamasy men alynǵan beınejazbalardy qaraý barysynda sottalýshynyń kinási tolyq dáleldendi. Aıyptalýshy da óz kinásin moıyndaǵan.
«QK-niń 63-babyna sáıkes, jaza shartty dep belgilendi. Jaza taǵaıyndaý kezinde sot aýyrlatatyn mán-jaılardyń bolmaýyn, jeńildetetin mán-jaılardy eskerip, onyń kinásin tolyq moıyndaýyn, jeke basyn, buryn sotty bolmaǵanyn jáne jábirlenýshiniń sottalýshyǵa bas bostandyǵynan aıyrmaıtyn jaza taǵaıyndaýdy suraǵan pikirin eskerdi. Úkim zańdy kúshine engen joq», delingen Shymkent qalasynyń qylmystyq ister jónindegi aýdanaralyq sotynyń baspasóz qyzmeti taratqan habarlamada.