Júk ishine azyq-túlik, kıim, gıgıenalyq quraldar, turmystyq taýarlar, motorly qaıyqtar jáne basqa da qajetti zattar kiredi. Jiberýshiler arasynda qaıyrymdylyq qorlary men qaýymdastyqtar, sondaı-aq kommersııalyq uıymdar bar. Gýmanıtarlyq kómek Air Astana jáne FlyArystan ushaǵymen Almaty men Astanadan Atyraý, Aqtaý jáne Oralǵa jetkizildi.
«Avıabıletterge suranystyń ulǵaıýyna jaýap retinde Air Astana jáne FlyArystan birlesip 8 sáýir men 21 sáýir aralyǵynda Atyraýdan 41 qosymsha reıs ashty. Turaqty reıstermen birge osy kezeńdegi reıster sany 30%-ǵa artyp, shamamen 23 myń otandasymyzǵa Atyraýdan Almaty, Astana, Aqtaý jáne Shymkentke kesheýildemeı ushýǵa múmkindik berdi.
Bul rette Air Astana jáne FlyArystan tikeleı reısteriniń tarıfteri kóterilmeı ǵana qoımaı, 13 sáýir men 24 sáýir aralyǵynda Atyraýdan ekonom-klass bıletteriniń quny bir jaqqa 40 myń teńgege deıin tómendetildi. Jolaýshylarǵa yńǵaıly bolý úshin eki áýekompanııa da jolaýshylarǵa 30 sáýirge deıingi reısterge aıyppulsyz bıletterdi qaıtarýǵa nemese 21 mamyrǵa deıingi balamaly reısterge qaıta brondaýǵa ruqsat etti», delingen kompanııa habarlamasynda.
Buǵan deıin Air Astana toby sý tasqynynan zardap shekkenderge kómek kórsetý úshin Samruk Kazyna Trust qoryna 1 mıllıard teńge aýdarǵan edi. Odan bólek áýekompanııalardyń qyzmetkerleri qarajat pen eń qajetti zattardy jınap, sý basqan aımaqtardaǵy muqtaj jandarǵa taratý úshin Qamqor Charity qoǵamdyq qoryna tapsyrdy. Sonymen qatar Air Astana eriktileri Atyraý men Aqtaýda apattyq-qutqarý jumystaryna atsalysyp jatyr.