Barbastaý – Inder tasjoly buzyldy

Keıingi táýlikte tó­ten­­she­likter ob­lys bo­ıynsha 9 adamdy evakýasııalaǵan eken. Bul – negizinen sý bas­qan saıajaı aýmaǵynan ketpeı júrgender. Al Ja­ıyq boıyndaǵy Chapaev, Keń­sýat aýyldarynda Ja­ıyq­tyń jaıylǵan sýy qol­dan soqqan bógetke tire­lip toqtaǵan.

«Batys Qazaqstan oblysynda sý tasqynyna qatys­ty jaǵdaı turaqtalyp ke­le­di. Jedel qabyldanǵan sha­ralardyń nátıjesinde kóp­tegen eldi meken men Oral qalasy sý tasqynynan aman qaldy. Endigi kezekte Ja­­ıyq ózeniniń tómengi ja­­ǵynda ornalasqan Aqjaıyq aýda­nyn­daǵy jaǵ­daıdy qatań baqylaýda ustaý qajet» degen Batys Qa­­zaqstan oblysynyń áki­mi Narıman Tóreǵalıev Aqjaıyq aýdanynyń Bazar­tóbe, Qaraýyltóbe, Esen­saı jáne Taıpaq aýyldaryna baryp, ózen jaǵasyn nyǵaıtý jumystaryn ózi qadaǵalap shyqty.

О́ńir basshysy «Sý tasqynyna baılanysty qaýip áli seıilgen joq. Son­dyqtan tasqyn sýdyń aldyn alý jumysyn jalǵastyramyz. Aýdan­dardaǵy jumysty baqylaýda ustaımyz. Qosym­­sha materıaldar qajet bolsa jetkizemiz», dedi.

Aıta keteıik, osy Aq­jaıyq aýdanynyń ózinde sý tasqynynyń aldyn alý úshin keıingi bir aıda 31,4 km bóget turǵyzylǵan eken. Bul iske 823 adam, 158 tehnıka jumylǵan.

Oblysta tótenshe jaǵdaı jarııalanǵan sáýir aıynyń basynan beri Qazaqstannyń 14 óńirinen qosymsha kúsh kelgen edi. Búginde olardyń jartysy Atyraý oblysyna aýyssa, qalǵany ózderi ornalasqan aımaqqa ketti. Olarǵa jergilikti halyq dán rıza. Mysaly, QR Qarý­ly kúshterdiń Desanttyq-shabýyldaý áskerleri Báı­te­rek aýdanynda 12 kún ishinde 13 shaqyrymnan asa bóget turǵyzǵan edi. Keshe óz bólimine attanǵan áskerı­ler­ge Báıterek aýda­nynyń ákimi Marat Toǵjanov alǵys aıtyp, marapat tabystady. Osyndaı jıyn Oral qala­syn­daǵy bas alańda da ótti.

«Tótenshe jaǵdaı ke­zinde Batys Qazaqstan oblysyndaǵy sý tasqynyna qarsy is-sharalarǵa kómek­tesý úshin Ulttyq ulannyń «Ońtústik» óńirlik qolbas­shy­lyǵyna qarasty áskerı bólimderden 500-den asa áskerı qyzmetker keldi. Qyzylorda jáne Shymkent qala­larynan kelgen ulan­dyqtar eldi mekender m­a­ńyna bóget turǵyzyp, tur­ǵyndardy evakýasııa­laý jáne ol aımaqtaǵy qo­ǵamdyq qaýipsizdikti qam­tamasyz etýmen aınalysty. Biz búgin osy sarbazdarǵa rahmetimizdi aıtyp, maqtaý qaǵazdary men baǵaly syılyqtar tabystadyq», deıdi Ult­tyq ulannyń «Batys» óńir­lik qolbasshylyǵy qolbas­shysy polkovnık Bekaıdar Qazkeev.

Mamandar qazir Batys Qazaqstan obly­sy­na sý tasqynynan tóngen qaýip beti qaıtty dep otyr. Osy kezge deıin qaýipti aı­maq­tardan 13 989 adam kó­shi­ril­di. Oblys aýma­ǵyn­daǵy 12 evakýa­sııa­lyq beketti áli de 2 myńnan asa adam panalap otyr.

Tabıǵat apatynan zardap shekken halyqqa memleket tarapynan keshendi kómek kórsetilip jatyr. Sonymen birge ózge óńirlerden de gýmanıtarlyq járdem jetýde. Sońǵy esep boıyn­sha óz elimizdiń oblystarynan jáne basqa shet memleketterden – Qyrǵyzstan, Tájikstan Respýblıkalarynan, Reseı­diń Daǵystan ólkesinen barlyǵy 341 mln teńge kóle­min­de 849 tonna gýmanı­tar­lyq kómek kelgen.

Batys Qazaqstan oblysy