О́tken jyl sońynda Syrdarııa aýdanynda meshit ashyldy. Imandylyq úıiniń ashylýyna oblys ákimi Q.Kósherbaev jáne aýdan turǵyndary qatysty.
Táýelsizdik alǵan jyldar ishinde aımaǵymyzda din salasynda da úlken jumystar atqaryldy. Jańadan meshitter turǵyzylyp, Islam dinin oqytatyn mamandar daıarlandy. Bul jumystar áli de óz jalǵasyn tabýda. Saltanatty túrde ashylǵan 200 oryndyq aýdandyq meshitte aldymen árýaqtarǵa quran baǵyshtalyp, aqsaqaldar batasyn berdi.
– Táýelsizdik alǵannan keıin Elbasymyz árbir azamatqa óziniń ǵazız dinin ustanýyna jaǵdaı jasady. Sonyń arqasynda, elimizde búginge deıin 2500-ge jýyq meshit ashyldy. Osynyń barlyǵy elimizdiń bereke-birligin arttyratyn jaǵdaı. Elimiz rýhanııatyn damytyp jatqan búgingi sátte bul meshit eldi bereke-birlikke shaqyratyn ımandylyq úıi, tamasha qut qana bolsyn dep tileımin, – dedi oblys ákimi Q.Kósherbaev.
Meshittiń janynda 40 orynǵa arnalǵan medrese bar. Bul jastardyń dinı saýatyn ashýǵa úlken múmkindik beredi. Sondaı-aq, as berýge arnalǵan 200 oryndyq ashanasy turǵyndar úshin qyzmet etetin bolady.