EXPO halyqaralyq kórme ortalyǵynda tórt aýqymdy is-shara ótti: IV Ondeu EXPO óńdeý ónerkásibi, V Kazakhstan Machinery Fair mashına jasaý jáne metall óńdeý, XIII Su Arnasy – Water Expo sý ındýstrııasynyń jáne III Chem Tech Kazakhstan hımııa ónerkásibi boıynsha halyqaralyq mamandandyrylǵan kórmesi men konferensııasy. Kórmege 18 memleketten 250-den asa kompanııa jınaldy.
«Bıyl kelýshiler usynǵan ónim kólemi byltyrǵyǵa qaraǵanda aýqymdy. Kórshiles jáne ózge memleketterden kelgen kompanııalar ádettegideı mashına jasaý men metall óńdeý, sý ındýstrııasy men hımııa ónerkásibi salasyndaǵy jańa ári zamanaýı tehnologııalaryn usyndy. Sondaı-aq metall óńdeý, dánekerleý jabdyqtary men materıaldary, addıtıvti tehnologııalar, ónerkásiptik 3D basyp shyǵarý jáne robottehnıka da bar. Ásirese Qytaı, Reseı, Germanııa elinen ákelgen ónimderdi kóptep kórýge bolady», deıdi joba menedjeri Nurjan Tóremuratov.
Kórmege qatysýshylardyń biri – «Force Machinery» JShS. Aımaqtyq dırektor Myrzabek Joldybaevtyń aıtýynsha, kompanııanyń naryqqa shyqqanyna 12 jyl tolǵan.
«О́zbekstan men Qyrǵyzstanǵa da ónim jiberemiz. Kompanııa kóbine-kóp medısına jáne basqa da óndiriste qoldanatyn ottegi jáne azot generatory, ıaǵnı kádimgi aýadan ottegige aınaldyrý qurylǵysyn daıyndaıdy. Sondaı-aq qosalqy jabdyqtar da shyǵady. Qazir eldegi aýrýhanalardyń barlyǵynda ottegi stansalary bar, biraq uqypty paıdalanbaıdy. Durysy, ony qoldanýdy, kútip-ustaý kerektigin túsinbeıdi. Fıltr nemese basqa da suıyqtyqtaryn aýystyryp otyrý kerek. Áıtpese ol apparat taza ottegi bólmeıdi. Biz buǵan da qyzmet kórsetemiz. Seriktestiktiń Almatyda eki, Shymkentte bir fılıaly bar. Alda Astana qalasynda bir bólimshe ashý josparlanyp otyr», deıdi «Force Machinery» JShS aımaqtyq dırektory.
Eldegi sý jelilerine eń qajetti ónimdi shyǵaratyn kompanııalardyń biri, Qaraǵandy qalasynan kelgen «Kaspy Group» seriktestigi de kórmede óz taýarlaryn kórsetti.
«Eýropalyq standartqa saı, dıametri 125-ten 1 000-ǵa deıingi qubyrlardy óndiremiz. О́nimniń negizgi quramy – polıpropılen. Turǵyn úıler men basqa da ǵımarattaǵy aýyzsý nemese káriz sý júıelerine arnalǵan birden-bir ónim desek artyq aıtpaspyz. Jer astynda saqtalýǵa shydamdy, tozý deńgeıi 60-70 jylǵa deıin jetetin ónimder TMD elderine de eksporttalady», deıdi kompanııa dırektory Ashat Jaılaýbek.
Joǵaryda aıtqandaı, tórt mańyzdy kórmeniń biri – Kazakhstan Machinery Fair. Bul – Qazaqstan men Ortalyq Azııadaǵy mashına jasaý jáne metall óńdeý salasyndaǵy basty kórmeniń biri. Buǵan dástúrli túrde jańa jabdyqtardy óndirýshiler men mashına jasaý salasyndaǵy jetekshi kompanııa ókilderi keldi. Sonymen qatar olar metall óńdeý men pisirýge arnalǵan jabdyqtar men materıaldaryn, ónerkásiptik 3D-basyp shyǵarý men robottehnıkasyn jáne mashına jasaý jáne metall óńdeý salasyndaǵy eń jańa tehnologııany usynady.
Al Su Arnasy – Water Expo kórmesinde otandyq jáne halyqaralyq kompanııalar sýdy tazartý men jabdyqtaýǵa jáne sý resýrstaryn tıimdi paıdalanýǵa baılanysty ınnovasııalyq tehnologııalar men ónimderin kórsetti. Sharada salaǵa qatysty kásiporyn basshylary, ınjenerler men tehnologter, shaǵyn jáne orta bıznestiń, memlekettik organdardyń ókilderi jáne salalyq qaýymdastyqtar qatysyp, sý tapshylyǵy men únemdeýge qatysty ózara pikir almasty.
Hımııa ónerkásibine, sondaı-aq osy salaǵa baılanysty tehnologııalar men jabdyqtarǵa arnalǵan Chem Tech Kazakhstan halyqaralyq kórmesinde de ony damytýǵa baılanysty ınnovasııalyq tehnologııalar usynyldy. Munda da salaǵa qatysty mamandar men kásipkerler dıalog ornatyp, hımııa ónerkásibiniń tehnologııalary boıynsha máselelerdi ortaǵa saldy.