Aqordanyń baspasóz qyzmeti Prezıdent Qasym-Jomart Toqaevtyń Ázerbaıjan men Armenııa arasyndaǵy Almatyda ótetin kelissózder prosesine qatysty málimdemesin jarııalady, dep habarlaıdy Egemen.kz.
«Qazaqstan tarapynyń usynysy boıynsha Ázerbaıjan Respýblıkasy men Armenııa Respýblıkasy arasyndaǵy beıbit kelisimge daıyndyq júrgizý maqsatynda eki eldiń syrtqy ister mınıstrleriniń kelissózin ótkizý týraly ózara kelisimge kelgenin quptaımyn.
Bul mańyzdy sharanyń Almatyda uıymdastyrylýynyń sımvoldyq máni bar. О́ıtkeni 1991 jyly jeltoqsan aıynda TMD elderiniń táýelsiz damýyna negiz qalaǵan jáne memleketaralyq shekarany anyqtaý qaǵıdalaryn bekitken tarıhı qujatqa – Almaty deklarasııasyna qol qoıylǵan edi.
Aldaǵy kezdesý ázerbaıjan-armıan ýaǵdalastyǵynyń naqty júzege asýyna jol ashyp, jýyq arada Ońtústik Kavkazda turaqty ári uzaqmerzimdi beıbitshiliktiń ornaýyna yqpal etedi», delingen málimdemede.