Seısmıkalyq saqtandyrý qurylǵysy

Salmaǵy shamamen 1,5 tonnany quraıtyn qurylǵy 7-9 bal­ǵa de­ıingi kóldeneń jáne tik bo­la­tyn jer silkinisin sımýlıa­sııa­laıdy. Ýnıversıtettiń Ener­ge­tıka jáne mashınataný ıns­tı­týty dırektorynyń orynbasary, joba jetekshisi Maqsat Myrzaqulovtyń aıtýynsha, Al­maty jer silkinisi jıi bolatyn­ aýmaqqa jatatyndyqtan, bul plat­forma jurtshylyqty úreı­ge berilmeýge, jer silkinisi bola qal­ǵan jaǵdaıda ózin qa­laı ustaý­ǵa, durys sheshim qabyl­daýǵa yq­pal­ etedi.

– Mobıldi trenajer ýnıver­sı­tettiń stýdentter men magıs­tranttar jumys isteıtin teh­nıkalyq-konstrýktorlyq bıý­ro­synda qurystyryldy. Osy­dan­ bir jyl buryn bastalǵan qu­rastyrý jumystaryn qalada bolǵan birneshe jer dúmpýinen keıin jyldam aıaqtaýǵa týra kel­di. Ýnıversıtettiń qarjy­landyrýymen jasalǵan mo­bıl­di platformany quras­ty­rýǵa 10-nan astam stýdent qatysty. Oqytýshylardyń jetek­shili­gi­men ázirlengen mobıldi plat­for­madaǵy sımýlıator jer silki­ni­siniń kóldeneń jáne tik bolyp ke­letin tolqyndaryn kórsetedi. Qu­ryl­ǵyny paıdalaný barysyn­da eń joǵary rejimdi 9 balǵa deıin jetkizýge bolady, – deıdi M.Myrzaqulov.

Jaqynda mobıldi platformany ýnıversıtet ǵalymdary Alma­ty qalasy Tótenshe jaǵ­daı­­lar departamentine tegin paı­da­lanýǵa berdi. Endigi kezekte TJD mamandary osy trenajer arqyly jer terbelisin sezdirip, qala turǵyndaryna úreısiz, naqty durys is-áreketterdi jasaýdy úıretetin bolady.

Ǵalymyń aıtýynsha, eger de mobıldi platforma elimizdiń qalalarynda, ortalyqtarynda qoldanylatyn bolsa, turǵyndar jer silkinisine meılinshe da­ıyn bolady. Trenajer bir orta­lyqtan ekenshisine jyljytyp aparýǵa yńǵaıly. Mun­daı qurylǵylar sheteldik táji­rıbede de qoldanylyp kele­di. Onyń naryqtaǵy quny sha­mamen 10-15 mln teńge tura­tyn bolsa, ýnıversıtet ǵalym­dary qurastyrǵan mo­bıldi platformanyń ózindik qu­ny – 2 mln teńge shamasynda. Trenajerdy qurastyrý toby qalanyń seısmıkalyq jaǵ­da­ıyna beıimdelip jasalǵan qu­ryl­ǵyda jattyǵý qala turǵyn­da­ry úshin tıimdi ekenin aıtady.

Tótenshe jaǵdaılar de­par­ta­mentiniń deregine súıenetin bol­saq, mobıldi jer silkinisi tre­najeri apta saıyn ótetin qala­lyq oqý-jattyǵý kýrstaryn­da jáne kóshpeli sabaqtarda, jat­tyǵýlarda paıdalanylatyn bo­lady. Ol úshin turǵyndar aý­dan­daǵy tótenshe jaǵdaılar qyz­me­tine baryp sanaty boıynsha tir­kelip, kýrstarǵa qatysa alady.