Mektep qurylysy toqtap tur

2014 jylǵy Joldaýynda Elbasy bylaı dedi: «Áleýmettik ınfraqurylymdardy damytý. Birinshi kezekte, bul – apatty mektepter men úsh aýysymda oqytý problemalaryn sheshý. Bul – bizdiń Saılaýaldy tuǵyrnamamyzdyń negizgi ındıkatorlarynyń biri. Úshjyldyq bıýdjette qarastyrylǵan qarjy bul problemany 2017 jylǵa deıin sheshýge múmkindik bermeıdi. Sondyqtan Úkimetke qosymsha 70 mıllıard teńge baǵyttaýdy tapsyramyn. Balalar baqshasynyń jetispeýshiligi – basqa másele. Mektepke deıingi mekemelerde oryndar tapshylyǵyn túbegeıli qysqartý úshin 3 jyl boıy qosymsha 20 mıllıard teńge baǵyttaýdy tapsyramyn. Ákimder jeke sektordy tarta otyryp, bul jumyspen barynsha aınalysýy tıis...». 2014 jylǵy qyrkúıek aıynda Maıqaıyń kentinde 700 oqýshyǵa arnalǵan jańa mektep paıdalanýǵa berildi. Al, oblys ortalyǵyna qarasty Kenjekól aýylynda 2013 jyly sáýir aıynda bastalǵan mektep qurylysy belgilengen merziminde tapsyrylmaı qaldy. Kenjekóldiń 420 orynǵa laıyqtalyp salynǵan eski mektebinde qazir 752 oqýshy bilim alýda. Oblys ortalyǵyna tıip turǵan aýyl bolǵan soń, qalaǵa qaraı kóship kelip jatqan halyq kóp te, oqýshylar sany jyldan-jylǵa kóbeıýde. Aýyl turǵyndarynyń aıtýynsha, bıyl jańadan júzge jýyq oqýshy kelip qosylsa, 5 birinshi synyp ashy­lypty. Kenjekólge jańa mek­tep salý kerek dep tapsyrys bergen oblystyq qurylys, jolaýshylar kóligi jáne avtomobıl joldary basqarmasy kúrdeli qurylys bólimi basshysynyń mindetin atqarýshy Qaırolla Eleýkenovtiń aıtýynsha, salynyp jatqan 600 oryndyq mektep jýyq arada paıdalanýǵa berilmeıtin kórinedi. Mekteptiń qurylysyn «Korporasııa «Potensıal-MS» atty seriktestik júrgizýde. Qurylystyń ýaqytynda aıaqtal­maýyna osy merdiger kompanııa kináli eken. Jumysshylar, qu­rylysshylar jetispese, qurylys barysynda qaıdan serpin bolsyn. Jergilikti turǵyndardy aılyq eńbekaqylaryn berip jumysqa tartqanda, qurylys ýaqytynda aıaqtalar edi. Bul oblystyq, qala­lyq, aýyldyq ákimdik, qurylys, bi­lim basqarmalary tarapynan qatań talap pen tártiptiń, baqy­laýdyń bolmaǵandyǵyn baıqa­tady. Kenjekólden basqa, oblys­ta búgingi kúni respýblıkalyq bıýd­jet esebinen oblys orta­ly­ǵynda – 2, Sharbaqty aýdany or­ta­lyǵynda, Qalqaman aýylyn­da mektepter qurylysy júrgizilýde. Bul qurylystardyń qazir jaı-kúıin kim baqylaýda? Olardyń da Kenjekóldegi mekteptiń kúıin keshpesine kim kepil? Aldaǵy jyly Ertis aýdany Qyzylaǵash aýy­lynda mektep, oblys orta­lyǵynda 320 balaǵa arnalǵan balabaqsha qurylysy josparlanyp, jergilikti bıýdjetten 200,0 mıllıon teńge bólinipti. Aıt­paqshy, aýyl oqýshylary, ata-analary mekteptiń ashylýyn kútip júrgende, mektepti salýǵa bólingen qarjynyń bir bóligi basqa maqsatqa bólinip ketipti. Iаǵnı, respýblıkalyq qazynadan Kenjekólge mektep salýǵa beril­gen 310,5 mıllıon teńgeniń 54,3 mıl­lıony ıgerilmegeni úshin keri qaıtarylyp, oblystyq máslıhat depýtattary bul sheshimdi biraýyz­dan qoldapty. Munyń mán-jaı­yn jýyrda ótken oblystyq más­lı­hattyń kezekten tys sessııa­synda oblystyq ekonomıka jáne bıýdjettik jos­parlaý basqar­ma­synyń basshysy Talǵat Sháripov málimdedi. Farıda BYQAI, «Egemen Qazaqstan». Pavlodar oblysy, Kenjekól aýyly.