Uıymshyldyqqa uıystyryp, jarqyn jolǵa bastaǵan

OTANYMYZ – ORTAQ ÚIIMIZ

Byltyr Elbasynyń Qazaq­stan halqyna arnaǵan «Nurly Jol – bolashaqqa bastar jol» Joldaýy burynǵy Joldaýlardan sál erterek joldandy. Qujat halyqty myqty jáne ósip-órkendegen memlekette ómir súrýge jeteleıdi. Búginde bizdiń mindetimiz – Jol­daýdyń maǵynasy men mánin elimizdiń árbir turǵynyna jetki­zý bolyp tabylady. Men Nursultan Ábishuly Nazarbaevqa óziniń barlyq baǵ­dar­lamalyq qujattarynda eli­mizdegi ultaralyq jáne konfes­sııaaralyq kelisimge zor kóńil bóletindigi úshin sheksiz rızamyn. Elbasy basqaratyn Qazaq­stan halqy Assambleıasy – qo­ǵamdyq kelisim men etnosaralyq toleranttylyq máselelerine jaýapkershilik tanytatyn qury­lym. Assambleıa búginde barlyq álemdik qoǵamdastyq qyzy­ǵýshylyq tanytyp otyrǵan óte úlken oń tájirıbe jınaq­tady. Onyń qyzmeti Memle­ket basshysynyń Qazaqstan jaǵ­­daıyndaǵy kópulttylyq – kem­shilik emes, qoǵamnyń ar­tyqshylyǵy týrasynda aıtylǵan sóziniń aqıqatyn kórsetip otyr. Bizder, qazaqstandyqtar elimizdegi kelisim men turaqtylyqty baǵalap, ári qasterleýimiz kerek. Memleket basshysynyń «Ony biz úshin eshkim eshqashan syrttan kelip jasamaıdy. Syrttan kelip aralasqannyń sońynyń nege ákelip soqtyratynyn kórip otyrsyzdar», degen sózi – kóregendik. Qazirgi tańdaǵy meniń tarıhı Otanymdaǵy jaǵdaı barshaǵa aıan jáne bul ózgeler úshin sabaq alarlyq oqıǵa. Barlyq álemde bolyp jatqan jaǵdaılardy kóre otyryp, árbireýimiz de árbir memlekettegi eń basty qundylyq dep óz memleketterinde tatýlyqta ómir súrip jatqan, óziniń qaýipsizdigine, óz balalarynyń bolashaǵyna zor senimmen qaraıtyn ult ekendigin túsinemiz. Áleýmettik saýaldamalar málimeti boıynsha qazaq­stan­dyqtardyń basym bóligi elimiz­degi ultaralyq jaǵdaıdy birqalypty sanaıdy jáne ultaralyq kelisimniń joǵary deńgeıde ekendigine senimdi. Prezıdenttiń naqty jáne oryndy aıtylǵan myna bir sózin atap ótkim keledi: «Kóbi Qazaqstandaǵy turaqtylyq pen jaıly turmysty týǵannan beriletin qalypty jaǵdaı dep qabyldaıdy». Biz qolymyzda bar amandyǵymyzdy, dostyǵymyzdy, ózara túsinistigimizdi nyǵaıtýy­myz kerek. Munyń bári bizdiń memleketimizdi nyǵaıta túspek. Halyq birligi – Qazaqstan jetistiginiń kilti. Áıel retinde, ana retinde memlekettiń áleýmettik jalǵa beriletin turǵyn úı salyp jáne ony turǵyndarǵa satyp alý quqyǵymen uzaq merzimdi jalǵa beretini meni qatty qýantty. Deldaldarsyz tikeleı jáne eń tómengi paıyzben nesıege turǵyn úıdiń berilýi ony satyp alýdaǵy baǵanyń tómendeýine múmkindik beredi. Bul jastarymyz, jas otbasylarymyz úshin eń jaqsy jaǵdaı bolyp otyr. Prezıdent 2015-2016 jyldarǵa arnalǵan jalǵa beriletin turǵyn úıler qurylysynyń qarjy­landyrylýyn qosymsha kóbeıtý jóninde tapsyrma berdi. Joldaýdaǵy taǵy bir jan jadyratar jańalyq – ınfra­qu­rylymdyq damý josparynda kóliktik-logıstıkalyq ınfraqurylym damýynyń birin­shi bolyp kórsetilgeni. Sonymen qatar, basty avtojol jobala­rynyń ishinde Atyraý – Astara­han baǵytynyń bolǵany. Bul – Qazaqstannyń batys qaqpasy. Joldaýda aıtylyp ótken­deı, bıyl toılanatyn Konstı­týsııamyzdyń 20 jyldyǵy men Qazaqstan halqy Assambleıasynyń jyly, Uly Jeńistiń 70 jyly qazaqstandyqtardy budan ári biriktire túsetin sharalar bolady dep oılaımyn. Tatıana LESNIChENKO, Mańǵystaý oblystyq Qazaq­stan halqy Assambleıa­sy tóraǵasynyń orynba­sary, T.Shevchenko atyndaǵy ýkraın etnomádenı birlestiginiń tóraıymy. AQTAÝ.

Aıqyn joldan aınymaımyz

Igor SPIRIDONOV, Batys Qazaqstan oblystyq Qazaqstan halqy Assambleıasy jastar qanatynyń jetekshisi. Elbasymyzdyń Táýelsizdik kúnine arnalǵan saltanatty jıynda sóılegen sózi biz sııaqty jastarǵa erekshe áser etti. Sonyń ishinde «Biz eger birtutas bolsaq, kúshtirek bola túsemiz», degeni aınaqatesiz shyndyq. Táýelsiz Qazaqstanda barlyq ult ókilderi úshin teń jaǵdaı jasalyp kele jatqany anyq. Ár etnomádenı birlestiktiń óz tilin, salt-dástúrin damytýyna tolyq múmkindigi bar. Bizdiń mindetimiz – ultaralyq tatýlyqty nyǵaıtyp, elimizdiń odan ári órkendeýine barynsha atsalysý. Elbasy bastamasymen qurylǵan Qazaqstan halqy Assambleıasy qazirgi tańda elimizde turyp jatqan barlyq ulttyń múddesine qyzmet etýde. Al oblystyq Qazaqstan halqy Assambleıasynyń jas­tar qanaty da ózine júktelgen jaýapkershilikti sezinip, keıingi urpaqty otanshyldyq rýhta tárbıeleý, Táýelsizdikti odan ári ornyqtyrý baǵytynda eńbek etýde. Túrli ult ókilderi ózara dostyq qarym-qatynasta ómir súrip, bir-biriniń dástúrin, saltyn saqtaýyna yqpalyn tıgizip keledi. Bıyl Qazaqstan halqy Assambleıasynyń 20 jyldyǵy toılanatyn bolady. Osyǵan baılanysty biz de óz josparymyzdy quryp, jumystanýdamyz. Oral qalasynda Dostyq úıi salynyp, paıdalanýǵa berilmek. Al biz, jastar Prezıdentimiz kórsetken aıqyn joldan aınymaı, Táýelsizdik murattaryna qyzmet ete beretin bolamyz. Elimizdiń bedeli búkil álemde nyǵaıa túserine senemiz jáne oǵan óz úlesimizdi qosamyz. Qazaqstannyń barlyq jastaryn osyǵan shaqyramyz. ORAL.

Taban tireıtin tuǵyrymyz

Rahımjan TOHTAHÝNOV, Qazaqstan halqy Assambleıasynyń múshesi. Elimizde etnosaralyq tatý­lyqty saqtap, ındýstrııalyq-ınnovasııalyq damý baǵdar­lamasyn iske asyrý, jańa jumys oryndaryn ashý, shaǵyn jáne orta kásipkerlikti damytý, aýyl sharýashylyǵyna jańa serpin berý – qarapaıym halyqtyń ál-aýqatyn jaqsartýǵa alyp bara­tyn jol. Mine, sondyqtan Elba­sy Nursultan Nazarbaev Jol­da­ýynda halyqtyń áleý­met­tik jaǵdaıyn jaqsartýǵa, turǵyn­dardyń densaýlyǵyn jaqsartýǵa, jastardyń bilimin jetildirýge basa kóńil bólip, Úkimetke naqty mindetterdi júktedi. Prezıdent Joldaýynda belgilengen mindetter elimizdiń bolashaǵynyń jarqyn da jasampaz ekendigin aıǵaqtaıdy. Jańa tabystar men jalyndy isterge jigerlendiredi. Halyqqa arnaǵan Joldaýdy tyńdaǵan árbir adam ózin tolǵandyryp júrgen máselelerge jaýap taý­yp, bolashaqqa úlken úmit artyp, memleket pen qoǵamǵa degen senimin nyǵaıta tústi. Qazirgi jetken jetistikterimiz keleshektegi alar asýlarymyz ben tolaǵaı tabystarymyzdyń taban tireıtin tuǵyry ekenine kóz jetkizdi. «Yntymaǵy ornaǵan eldiń bolashaǵy da berekeli» demekshi, elimizdegi saıası turaqtylyq pen qoǵamdyq kelisimniń arqasynda úlken jetistikterge jetkenimiz kúmánsiz. El birligin tatýlyq pen ultaralyq kelisimdi nyǵaıtý úshin qoldanýda Qazaqstan halqy Assambleıasyna úlken senim artylady. «Nurly Jol – bolashaqqa bastar jol» Joldaýy halqymyzdy jańa belesterge – «Nurly Jolǵa» alyp baratyn Joldaý dep bilemin. Almaty oblysy.