Prezıdent Qasym-Jomart Toqaev Slovakııa Premer-mınıstri Robert Fısoǵa qastandyq jasalýyna baılanysty bul terrorlyq áreketti qatań aıyptaıtynyn jáne mundaı qaraýlyqty múlde aqtaýǵa bolmaıtynyn málimdedi, dep jazady Egemen.kz Aqorda baspasóz qyzmetine silteme jasap.
Qazaqstan men Slovakııany uzaq jylǵy dostyq pen ózara tıimdi yntymaqtastyq qatynastar baılanystyrady. Bul ıgilikti iste Premer-mınıstr Robert Fıso eleýli ról atqardy.
Memleket basshysy Qasym-Jomart Toqaev Robert Fısonyń tezirek saýyǵyp ketýine tilektestik bildirdi.
Aıta keteıik, búgin Slovakııanyń premer-mınıstri Robert Fısoǵa qastandyq jasaldy.
Jergilikti BAQ oqıǵa ornynan túsirilgen vıdeo taratty. Kadrlarda tórt ret oq atylyp, R.Fısonyń jerge qulaǵany kórsetilgen. Qaýipsizdik qyzmetkerleri Premer-mınıstrdi shuǵyl túrde aýrýhanaǵa jetkizdi.