Qazynaly túbek turǵyndary úshin taǵy bir jańalyq boldy. Buǵan deıin alys-jaqyn shetelderge toǵyz halyqaralyq reısterdi atqarǵan Aqtaý halyqaralyq áýejaıynan “Aqtaý – Sankt-Peterbýrg” tikeleı áýe qatynasy ashyldy. Kúni keshe ǵana TMD elderi boıynsha qatarynan ekinshi ret tańdaýly dep tanylǵan Aqtaý áýejaıynyń dırektory Ýzıfolla Ajmoldaevtyń aıtýynsha, bul – Qazaqstan boıynsha Sankt-Peterbýrgke alǵashqy tike reıs. Endi bul reısti ár senbi kúnderi “SCAT” áýe kompanııasynyń “Boıng-737” ushaǵy turaqty túrde júzege asyrmaqshy.
Sóıtip, aqtaýlyq jolaýshylarǵa burynǵydaı ekinshi qalalar arqyly emes, tikeleı ushý múmkindigine oraı qolaıly jaǵdaı jasalyp otyr.
Jolaman BOShALAQ.
Mańǵystaý oblysy.