Úkimet Memleket basshysy Qasym-Jomart Toqaevtyń tapsyrmasy boıynsha sý tasqynynan zardap shekken azamattarǵa keltirilgen shyǵyndy óteý jumystaryn jalǵastyryp jatyr. 17 mamyrdaǵy esep boıynsha tasqynnan úılerine zaqym kelgen 202 otbasyǵa jańa úı berildi, dep jazady Egemen.kz.
Sondaı-aq Aqtóbe, Batys Qazaqstan, Soltústik Qazaqstan jáne Pavlodar oblystarynda zardap shekken azamattarǵa arnalǵan 658 jańa úı salynyp jatyr.
Úkimettiń málimetinshe, 24 641 otbasy 9,3 mlrd teńgeden astam somaǵa 100 AEK mólsherinde birjolǵy tólem aldy. Mal shyǵyny úshin berilgen memlekettik kómek kólemi 1,3 mlrd teńgeden asty.
596 otbasyna 878 mln teńgeden astam somaǵa turǵyn úıdi jóndeýge jáne qalpyna keltirýge ótemaqy tólendi. Zardap shekken óńirlerde barlyǵy 10 740 turǵyn úı tekserilip, 8 168 nysan boıynsha baǵalaý júrgizildi.
Keltirilgen zııandy óteý jumystarynyń barysy Úkimettiń qatań baqylaýyna alynǵan.