QR Kólik mınıstrligi Qazaqstan Respýblıkasy aýmaǵy arqyly ótetin júkterdiń tranzıtine qatysty statıstıkany jarııalady, dep habarlaıdy Egemen.kz.
«2024 jyldyń 4 aıynda jalpy tranzıt kólemi 10,7 mln tonnany qurap, byltyrmen salystyrǵanda 1 paıyzǵa ósti (10,6 mln tonna). Onyń ishinde avtomobıl kóligimen tasymaldanǵan tranzıttik júkter kólemi 1,5 mln tonnany qurap, byltyrǵa qaraǵanda 50 paıyzdyq ósimdi kórsetti (1 mln tonna)», dedi mınıstrlik ókilderi.
Sonymen qatar konteınerlik tasymaldar 433,2 myń JFE (jıyrma fýttyq ekvıvalent) qurap, ótken jylmen salystyrǵanda (422,7 myń TEÝ) 2%-ǵa ósti.
«Onyń ishinde Qytaı/Azııa — Eýropa — Qytaı/Azııa baǵytynda 333,9 myń jıyrma fýttyq ekvıvalentke jetti. Bul kórsetkish ótken jylǵa qaraǵanda 11 paıyzǵa artty (301,6 myń JFE)», dep qosty mınıstrlikten.
Qyrmyzy JUMAǴALIQYZY, EUÝ stýdenti