Qazaqstanda 11 346 mektepke deıingi tárbıe berý men oqytý uıymy tirkelgen. Bıyl 229 memlekettik balabaqshany renovasııadan ótkizý josparlanyp otyr, dep habarlaıdy Egemen.kz QR Oqý-aǵartý mınıstrligne silteme jasap.
Mektepke deıingi uıymdardyń renovasııasy balalardy tárbıeleý men oqytý jaǵdaıyn jaqsartýǵa baǵyttalǵan. О́tken jyly 198 nysanǵa kúrdeli jóndeý júrgizilip, kompıýterlik tehnıka jańartylyp, modernızasııadan ótken edi.
«Biz balalardyń sapaly oqýy men damýy úshin jaqsy jaǵdaı jasaýǵa tyrysamyz. Mektepke deıingi uıymdardyń renovasııasy – bul ár balanyń bolashaǵyn jarqyn, tabysty etýge salynǵan ınvestısııa», dedi mektepke deıingi bilim berý departamentiniń dırektory Manar Adamova.Aıta ketsek, elimizde jańa balabaqshalar da ashylyp jatyr. Máselen, sońǵy 3 jylda mektepke deıingi uıymdardyń jelisi 801 nysanǵa kóbeıdi. Al sońǵy bes jylda balabaqshalarǵa kezektilik eki esege kemidi, osylaısha 2-6 jastaǵy balalardy mektepke deıingi uıymdarmen qamtý 91%-dy qurady. Osy jyly bul kórsetkishti 92,5%-ǵa jetkizý kózdelip otyr.