Úkimet basshysy Oljas Bektenov Almaty oblysyna jumys sapary barysynda Alataý qalasynyń jobasymen tanysty, dep jazady Egemen.kz.
Premer-mınıstr Alataý qalasynyń ákimi Árken О́tenovtiń Arnaıy ekonomıkalyq aımaqty damytý perspektıvasy týraly baıandamasyn tyńdady. Arnaıy ekonomıkalyq aımaq aýmaǵynda 96,6 myń gektarda jalpy somasy 383 mlrd teńgege 11 iri ınvestısııalyq jobany iske asyrý josparlanyp otyr. Jospar júıeli júzege assa 7 myń turǵyn jumyspen qamtylady.
Oljas Bektenov qala ákimshiligine áleýmettik, ınjenerlik jáne turǵyn úı jobalaryn sapaly iske asyrýda jaýapkershiliktiń salmaǵy aýyr bolatynyn atap ótti.
Úkimet qaýlysymen Alataý qalasynyń Bas jospary bekitildi. Oǵan sáıkes jobalaý sheńberinde qurylystyń bıiktigin – qalanyń ortalyq bóliginen onyń shekarasyna qaraı tómendetý kózdelgen.
«Nátıjesinde biz Almatynyń mańynda týrıstik áleýetti belsendi arttyra otyryp, ónerkásiptik, bilim berý jáne logıstıkalyq ortalyqqa aınalatyn iri megapolıs qurýdy qamtamasyz etýimiz kerek. Bas jospardyń árbir tarmaǵynyń iske asyrylýyn baqylaýda ustaý, sondaı-aq birinshi kezektegi iri jobalardy ruqsat qujattamasymen qamtamasyz etý úshin qala aýmaqtarynyń egjeı-tegjeıli josparlaý jobalaryn ázirleýdi jedeldetý qajet», dedi Oljas Bektenov.