«QazMunaıGaz» UK» AQ Basqarma tóraǵasynyń mindetin atqarýshy Ashat Hasenov Atyraýdaǵy enshiles kásiporyndarynda boldy.
Aldymen Ashat Hasenov Atyraý munaı óńdeý zaýytynyń qyzmeti boıynsha jıyn ótkizdi. Munda ol «AMО́Z» JShS Bas dırektory Abzal Dosjanovtyń kásiporyndaǵy qazirgi jaǵdaı men óndiris josparynyń oryndalý barysy týraly esebin tyńdady.
Sondaı-aq jıyn qorytyndysy boıynsha A.Hasenov zaýyttyń sapaly jáne apatsyz jumysyn qamtamasyz etý, óndiristik baǵdarlamany júzege asyrý jáne ekologııalyq jobalardy ýaqytyly aıaqtaý jóninde tapsyrmalar berdi.
Sonymen qatar ol «Embimunaıgaz» AQ (EMG) qarasty Jaıyqmunaıgaz munaı-gaz óndirý basqarmasynyń bazasynda kompanııa basshylyǵymen jıyn ótkizdi.
EMG Bas dırektory Sábıt Arynov kásiporynnyń osy jyldyń birinshi toqsanyndaǵy óndiristik-qarjylyq qyzmetiniń nátıjelerimen tanystyryp, kompanııanyń ınvestısııalyq jobalaryn iske asyrý barysy týraly baıandady.
Aıta keteıik, «Embimunaıgaz» AQ-da 2023 jyly munaı jáne kondensat óndirý kólemi 2 mln 722 myń tonnaǵa jetti, jospar boıynsha kórsetkish 2 mln 706 myń tonna bolatyn. Osylaısha, kompanııa byltyr óndirý josparyn 16 myń tonnaǵa asyra oryndady. Sondaı-aq, 2022 jylmen salystyrǵanda óndiris kólemi 5,5% ósken.
Sátti júzege asyrý EMG-ge ónim óndirýdiń turaqty deńgeıin saqtaýǵa, sondaı-aq, kompanııanyń óndiristik nysandaryn energııamen qamtamasyz etý senimdiligine múmkindik beretin geologııalyq barlaý jumystarynyń barysy talqylandy. Geologııalyq barlaý jumystarynyń nátıjesinde 2023 jyly S.Nurjanov ken ornynyń Shyǵys qanaty men Soltústik Ýaz ken alańy ıgerildi.
Sonymen qatar, jıyn barysynda kompanııanyń munaı qorlaryn tıimdi ıgerýge yqpal etetin ónim óndirýdiń sońǵy satysyndaǵy ken oryndarynda júrgizilip jatqan geologııalyq jáne tehnıkalyq is-sharalar talqylandy.
A. Hasenov is-sapar barysynda sondaı-aq, enshiles kásiporyndardyń óndiristik obektilerdi sý tasqyny qaýpinen qorǵaý úshin qabyldaǵan sharalaryn tekserdi.