Prezıdent Halyqaralyq balalardy qorǵaý kúnine oraı Almatyda uıymdastyrylǵan «Jas Galym. Science Quest» festıvaline baryp, balalarmen kezdesti, dep habarlaıdy Egemen.kz Aqorda baspasóz qyzmetine silteme jasap.
Jyl saıyn dástúrli túrde ótkiziletin festıval bıyl ǵylym taqyrybyna arnalǵan. Qasym-Jomart Toqaev qala oqýshylarymen birge «Science», «Engeneering», «Art», «Technology» jáne «Mathematics» stansııalaryn aralap kórdi. Kvest formatynda uıymdastyrylǵan sharada oqýshylar ózderiniń ǵylymı jobalaryn tanystyrdy.
Memleket basshysy balalardy merekemen quttyqtap, keleshek urpaqqa zor úmit artatynyn aıtty. Sondaı-aq jetkinshekterdiń ǵylymı izdenisi men shyǵarmashylyǵyn shyńdaýǵa úles qosqany úshin festıval uıymdastyrýshylaryna rızashylyǵyn bildirdi.