Astanada respýblıkalyq alǵashqy «Aiala» art-eko festıvaliniń ashylý saltanaty ótti. Festıval elimizdiń túkpir-túkpirinen kelgen oqýshylarǵa óner arqyly qorshaǵan ortaǵa qamqorlyq kórsetýge múmkindik beredi, dep habarlaıdy Egemen.kz QR Mádenıet jáne aqparat mınıstrligine silteme jasap.
Qazaqstannyń barlyq óńirinen 36 adam iriktelip, fınalıst atandy. «Beıneleý óneri», «Perfomans», «Vıdeo túsirý» «Sándik-qoldanbaly óner», «Mýzyka jáne poezııa», «Art-perfomans» nomınasııalary boıynsha alty jeńimpaz 1 mıllıon teńgelik sertıfıkat ıegeri atandy.
«Is-sharanyń negizgi maqsaty – ekologııalyq qundylyqtar qalyptastyrý, balalardy ekologııalyq turǵydan tárbıeleý. «Aiala» ekofestıvali Memleket basshysynyń tapsyrmasy boıynsha ótkizildi. Búgin –balalardy qorǵaý kúni. Bul tamasha is-shara ekologııa salasynda jumys isteıtin barlyq iri úkimettik emes uıymdardy jáne olar konkýrsqa qatysqan shyǵarmashyl balalardyń basyn qosty. Atalmysh bastama endi jyl saıyn ótedi dep úmittenemiz. Bul – balalarǵa ekologııalyq tárbıe berýge múmkindik beretin qadam», dedi Mádenıet jáne aqparat vıse-mınıstri Evgenıı Kochetov.
Aıta keteıik, Qazaqstanda alǵash ret kreatıvti ındýstrııa, balalar men ekologııa toǵysatyn oqıǵa bolyp otyr.
«Bir aı boıy biz Qazaqstannyń túkpir-túkpirinen shyǵarmashyl daryndy balalar arasynda konkýrs ótkizdik. Ekologııa taqyryby boıynsha 250-den astam ótinim qaraldy. Biz jastarǵa shyǵarmashylyq arqyly qorshaǵan ortaǵa qamqorlyq jasap, óz sezimderin bildirýge múmkindik berý óte mańyzdy dep sanaımyz», dedi Lıma Dıas.
Festıval jeńimpazdary 1 mıllıon teńgelik sertıfıkat ıelendi. Atap aıtsaq:
Nuryllaev Aıbolat, Qyzylorda q. («Órnekte»sanaty) Naýhanbaev Nurjigit, Qyzylorda oblysy («Árle» sanaty) Anelıa Satybaldıeva, Astana q. («Beinele» sanaty) Regına Zemlıhanova, Almaty q. («Qara» sanaty) Rahımjanova Aıana, Aqtóbe oblysy («Sezin» sanaty) Latypaev Arman, Jetisý oblysy, Jarkent qalasy («Sezin» sanaty)«Aiala» art-eko festıvali 1-2 maýsymda Beıbitshilik jáne kelisim saraıynda ótedi. Kelýshiler otandyq sýretshilerdiń qolynan shyqqan «5 element» ınstallıasııasymen tanysa alady. Aýa, sý, ot, jer elementterin bir sheńberge biriktirilgen. Ortadaǵy aınadan jasalǵan júrek adamnyń ózine ári aınalasyndaǵylarǵa degen súıispenshilikti bildiredi. Týyndy tabıǵat pen adamnyń tutastyǵy men úılesimdiliginiń sımvolyndaı. Osylaısha, avtorlar kópshilikti tabıǵatty aıalaýǵa shaqyryp, Qazaqstannyń ekologııalyq problemalaryna nazar aýdarǵysy keldi.Festıval aıasynda kıiz basý, keskindeme, qarjylyq saýattylyq jáne makýlatýradan panno jasaý boıynsha sheberlik synyptary ótedi.