Sybaılas jemqorlyqqa qarsy qyzmet agenttigi tanymal aralas jekpe-jek sheberi Arman Áshimovtiń áleýmettik jelige júktegen vıdeosynan keıin tekseris júrgizdi, dep jazady Egemen.kz.
Aralas jekpe-jek sheberi vıdeoda «QR eńbek sińirgen jattyqtyrýshysy» jáne «QR halyqaralyq dárejedegi sport sheberi» syndy ataqtar jalǵan sportshylarǵa negizgiz berilgenin aıtqan.
Antıkor beıne-aqparatty tekserip, Agenttiktiń usynysy boıynsha jalǵan sportshylar sporttyq ataqtarynan aıyryldy.
Sondaı-aq quzyrly mekeme jemqorlyq táýekelderin taldaý qorytyndysy boıynsha Týrızm jáne sport mınıstrligine jemqorlyq derekterin joıý, E-sport Ulttyq sıfrlyq platformasyn iske qosý syndy usynystaryn joldady.
E-sport Ulttyq sıfrlyq platformasy sportshylar, ınfraqurylym, jarystar men jetistikter týraly biryńǵaı derekter qoımasyn quraıdy jáne sport salasyndaǵy jemqorlyq táýekelderin boldyrmaýǵa múmkindik bermek.