Oraldyq órender márege jetti

Áleýmettik kóshbasshy tár­bıe­leýdi maqsat etken bul joba ótken jyldyń qarasha aıynda bas­talyp, maýsymǵa deıin sozylǵan edi. Irikteý týrlaryna qatysýǵa 800-den astam adam nıet bildirip, 500 adam qatysqan. Sonyń ishinde 200 adam ǵana onlaın bilim berý platformasyna qol jetkizipti. Balalar kóshbasshylyq jáne jobalyq qyzmetten kýrs­tar­dan ótti. Teorııalyq bólim so­ńyn­daǵy irikteýden keıin 50 bala jartylaı fınalǵa shyqqan. Jaqynda Almaty qalasynda, Alataý baýraıynda osy bala­lar úshin 5 kúndik lager-trenıng uıymdastyryldy. Nátıjesinde, qazylar alqasy fınalǵa shyqqan 37 oqýshyny tańdady. Onyń ishinde Batys Qazaqstan oblysynan tórt oqýshy – Aıdar Sartaev, Nurdana Mahambet, Arýjan Seksenbaı, Abylaı Serikqalı bar.

Balalar Batys Qazaq­stan obly­­­synyń ár mektebinen jınal­ǵan. Aıdar Sartaev Báıterek aýda­nyna qarasty Iаnvarsevo aýly­nan kelse, Nurdana Mahambet – Oral qalasynan. Al Arýjan Sek­­sen­baı Aqsaı qalasynda oqı­dy eken.

Arýjan joba barysynda ja­ryq berýdi jaqsartý jáne sheka­ra­lardy belgileý úshin «Vision Zero» tujyrymdamasyna sáıkes zert­teý júrgizip, usynys daıyndapty. Ol óz ıdeıasyn shynaıy ómirde júzege asyrý úshin ózi turatyn Bórli aýdanynyń ákimi Erkebulan Ihsanovpen jeke ­kezdesken.

«Áýelgide men, mektep oqý­shy­sy, óz ıdeıamdy aýdan áki­mine durys jetkize alamyn ba dep ýaıym­dadym. Biraq bári jaq­sy ótti. О́zim qatysyp júr­gen joba aıasynda úırengen kom­mý­nı­ka­tıv­tik daǵdylardyń arqasynda sózim senimdi shyqty, óz ıdeıalarym­dy jetkize aldym, – deıdi Arýjan.

Jobanyń sońǵy kezeńi Astana qalasynda ótedi. Munda úzdik shyq­qan 6 jeńimpazǵa syı­lyq re­tinde sheteldik bilim saparyna joldama, daıyndyq kýrs­­tarynyń granttary jáne kompıýter berilmek. Sondaı-aq úzdikter Almatydaǵy ınno­vasııalyq ýnıversıtettiń stý­denti atanbaq.

Batys Qazaqstan oblysy