5 maýsym kúni Chehııanyń Pardýbıse qalasynda Regiojet jolaýshylar jáne júk poıyzy soqtyǵysty, dep jazady Egemen.kz.
Apat saldarynan 4 adam kóz jumyp, 26 adam zardap shekti. Bul týraly Qala gýbernatory Martın Netolıskı jazyp, qutqarý jumystary áli de júrgizilip jatqanyn málimdedi.
Jaralanǵandardyń ishinde 20 adamnyń jaraqaty jeńil ekeni málim boldy, al úsh jolaýshynyń jaǵdaıy ortasha aýyr.
Regiojet jeke temirjol kompanııasynyń túngi ekspressi Chehııa astanasy Pragadan Slovakııanyń Koshıse qalasyna bara jatqan.
Júk poıyzy kalsıı karbıdin tasymaldap bara jatqan. Apattan hımııalyq qosyndylar tógilmegen.
ČT24 aqparattyq arnasynyń habarlaýynsha, apat Pragadan shyǵysqa qaraı 100 shaqyrymdaı jerde ornalasqan Pardýbıse qalasyndaǵy bas vokzal mańynda bolǵan.
Oqıǵanyń naqty sebebi anyqtalyp jatyr. Al Zdopravy.cz portaly apattan eki poıyz mashınısi de aman qalǵanyn jáne tótenshe jaǵdaıǵa RegioJet poıyzynyń qateligi sebep bolýy múmkin ekenin jazdy.