2 300-den astam túlek synaq tapsyrdy

«Bıyl mektep bitirýshi tú­lekterdiń 233-i «Altyn belgi­ge», al 328 oqýshy «Úzdik attes­tat» alýǵa úmitker», deıdi oblys­tyq bilim basqarmasynyń bas­shy­sy Aıgúl Myńbaeva.

О́ńirde bolǵan alapat sý tas­qynyna baılanysty oqý­shy­lardyń Ulttyq biryńǵaı tes­tileýden ótý kúnderi bir aptaǵa shegerilgen edi.

«UBT tapsyrýǵa nıet bil­dirgen mektep bitirýshiler Ulttyq testileý ortalyǵynyń saıtyna elektrondy túrde onlaın tirkeledi jáne testileýden ótý ornyn, kúnin, ýaqytyn ózderi tańdaıdy. Bizdiń oblysta Ulttyq biryńǵaı testi­leý «UStudy» ortalyǵynyń 2 pýnktinde – Oral jáne Aqsaı qalalarynda 27 mamyr – 12 shil­de aralyǵynda ótip jatyr», deıdi Oral qalasynyń ult­tyq testileý ortalyǵy fı­lıa­lynyń jetekshisi Álibek Supyǵalıuly.

Oblystyq bilim basqarma­sy usynǵan aqparatqa qaraǵan­da, qazirgi tańda 2300-den astam túlek testileýden ótken. 14 oqýshy 130 ball jáne odan joǵary ball jınaǵan. Oblysta  ázirshe eń joǵary ball – 136. Osy baldy jınaǵan «Abyroi school» jeke mektebin bitirýshi Qura­laı Esenǵojına. Shákirtiniń je­tistigine ustazdary Esbolat Násıev, Aıgúl Qurmanǵalıe­va, Nurbolat Erǵalıev, Ásel Ábsálamova da erekshe qýanyp jatyr. Geografııa-matematı­ka baǵytyn tańdaǵan Quralaı buǵan deıin geografııa páni­­nen ótken qalalyq olımpıada­da 1-orynǵa, oblystyq olımpıa­dada 2-orynǵa ıe bolǵan eken. Iаǵnı óńirdegi eń joǵary upaı­dy qanjyǵasyna baılaýy kez­deı­soq emes.

Sóz reti kelgende aıta ke­teıik, dál osy «Abyroi school» mek­tebiniń túlekteri Álı Ahmet – 135, Amandyq Baıan – 132, Aıym Pańgereı men Aıda Qajymuratova – 131, Dıjan Mashırov 130 upaı jınap, úzdik nátıje kórsetken. «Bul – bizdiń shákirtterimiz ben us­tazdarymyzdyń tynym­syz eń­begi men kúsh-jige­ri­niń nátı­jesi», deıdi mektep dırek­tory­nyń oqý isi jónindegi orynbasary Jadyra Bolatqyzy.

Elimizdiń Ǵylym jáne jo­ǵary bilim mınıstrligi sý tas­­qynynan zardap shekken aımaq­tardyń 11-synyp oqýshy­lary UBT kezinde tómen ball alyp qalǵan jaǵdaıda, aqyly UBT kezinde alǵan joǵary upaıy bilim grantyn taǵaıyndaý ke­zinde esepke alynatyny jó­ninde habarlaǵan bolatyn. Bul jeńildik Batys Qazaqstan oblysyna da qatysty. Jyl saıyn júzdegen jas úshin oblys ákiminiń gran­ty bólinedi. Onyń basym kópshi­ligi – óńirge óte qajetti jalpy medısına, pedagogıkalyq mamandyqtar. Qazirgi tańda oblystyń eńbek naryǵynda tapshy bolyp turǵan mamandyq­­tar jóninde aqparat jınaqta­lyp, óńdelip jatyr. Sodan keıin jergilikti granttar týraly aqparat oblys ákim­digi­niń jáne bilim basqarmasy­nyń resmı saıtynda jarııalanady.

Aıta keteıik, batys­qazaq­standyq mektep túlekterine orta bilim týraly attestat tabystaý rásimi «Jolyń bol­syn, jas túlek!» degen ataýmen ­14 maýsym kúni ótedi.

Batys Qazaqstan oblysy