Belgııanyń federaldy parlamentine saılaý kezinde Flemish Open Vld partııasy az daýys jınady. Osyǵan baılanysty partııanyń jetekshisi, qazirgi premer-mınıstr Aleksandr De Kro otstavkaǵa ketý týraly sheshim qabyldady, dep habarlaıdy Egemen.kz.
Keshe Belgııada Eýroparlament pen federaldy jáne aımaqtyq deńgeıdegi ókildi organdardyń saılaýy ótti.
Flamandyq bólik boıynsha saılaýda Barta De Veveranyń «N-VA» (Jańa Flamandtyq alıansy) ultshyl partııasy jeńiske jetti.
«N-VA» jarǵysy baptarynyń biri táýelsiz Flandrııany qurýdy maqsat etedi. Kóshi-qonǵa qarsy ásire ońshyl partııa Vlaams Belang N-VA-dan sál artta qaldy, biraq boljamdarǵa qaramastan, Flandrııadaǵy ultshyldardy qýyp jete almaı keledi.
Premer-mınıstr A.Kronyń lıberaldy Open VLD partııasy Belgııanyń soltústiginde jeńilip qaldy (saılaý nátıjesi 10%-dan tómen boldy).
Vallonııada jergilikti sosıalısterdiń tasy órge domalap keledi. Al Brıýsselde fransýztildi lıberaldy «MR» partııasy jeńiske jetti.
Aleksandr De Kro saılaý jeńimpazdary N-VA, «Flaams Belanga» jáne Belgııadaǵy fransýztildi «MR» partııalarynyń jaqtastaryn quttyqtady.